| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. અચ્ચયસુત્તવણ્ણના
4. Accayasuttavaṇṇanā
૨૭૦. ચતુત્થે સમ્પયોજેસુન્તિ કલહં અકંસુ. અચ્ચસરાતિ અતિક્કમિ, એકો ભિક્ખુ એકં ભિક્ખું અતિક્કમ્મ વચનં અવોચાતિ અત્થો. યથાધમ્મં નપ્પટિગ્ગણ્હાતીતિ ન ખમતિ. કોધો વો વસમાયાતૂતિ કોધો તુમ્હાકં વસં આગચ્છતુ, મા તુમ્હે કોધવસં ગમિત્થાતિ દીપેતિ. મા ચ મિત્તે હિ વો જરાતિ એત્થ હીતિ નિપાતમત્તં, તુમ્હાકં મિત્તધમ્મે જરા નામ મા નિબ્બત્તિ. ભુમ્મત્થે વા કરણવચનં, મિત્તેસુ વો જરા મા નિબ્બત્તિ, મિત્તભાવતો અઞ્ઞથાભાવો મા હોતૂતિ અત્થો. અગરહિયં મા ગરહિત્થાતિ અગારય્હં ખીણાસવપુગ્ગલં મા ગરહિત્થ. ચતુત્થં.
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. અચ્ચયસુત્તં • 4. Accayasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. અચ્ચયસુત્તવણ્ણના • 4. Accayasuttavaṇṇanā
