| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. அச்ச²ராஸுத்தவண்ணனா
6. Accharāsuttavaṇṇanā
46. ‘‘அச்ச²ராக³ணஸங்கு⁴ட்ட²’’ந்தி கா³தா² தே³வபுத்தேன யேனாதி⁴ப்பாயேன கா³யிதா, ஸோ அனுபுப்³பி³கதா²ய வினா ந பஞ்ஞாயதீதி தங் ஆக³மனதோ பட்டா²ய கதெ²ந்தோ ‘‘அயங் கிர தே³வபுத்தோ’’திஆதி³மாஹ. தத்த² ஸாஸனேதி இமஸ்ஸேவ ஸத்து²ஸாஸனே. கம்மாகம்மந்தி கம்மவினிச்ச²யங். அத்த²புரெக்கா²ரதாய அப்பகிச்சதாய ச ஸல்லஹுகவுத்திகோ. ஸயனஸ்ஸ கொட்டா²ஸோதி தி³வஸங் புரிமயாமஞ்ச பா⁴வனானுயோக³வஸேன கிலந்தகாயஸ்ஸ ஸமஸ்ஸாஸனத்த²ங் ஸெய்யாய உபக³மனபா⁴கோ³ அனுஞ்ஞாதோ.
46. ‘‘Accharāgaṇasaṅghuṭṭha’’nti gāthā devaputtena yenādhippāyena gāyitā, so anupubbikathāya vinā na paññāyatīti taṃ āgamanato paṭṭhāya kathento ‘‘ayaṃ kira devaputto’’tiādimāha. Tattha sāsaneti imasseva satthusāsane. Kammākammanti kammavinicchayaṃ. Atthapurekkhāratāya appakiccatāya ca sallahukavuttiko. Sayanassa koṭṭhāsoti divasaṃ purimayāmañca bhāvanānuyogavasena kilantakāyassa samassāsanatthaṃ seyyāya upagamanabhāgo anuññāto.
அப்³ப⁴ந்தரேதி குச்சி²யங் ப⁴த்தஸ்ஸ பரித்ததாய ஸத்த²கவாதாதி திக்க²பா⁴வேன ஸத்த²கா விய கந்தனகா வாதா. து⁴ரஸ்மிங்யேவாதி கிலேஸமாரேன யுத்³தே⁴ ஏவ. விமுத்தாயதனஸீஸே ட²த்வா த⁴ம்மங் தே³ஸெந்தோ வா. உபனிஸ்ஸயமந்த³தாய அபரிபக்கஞாணதாய ஆஸவக்க²யங் அப்பத்தோ காலங் கத்வாதி யோஜனா. உபரி டி²தந்தி பரிக்கா²ரபா⁴வேன தி³ப்³ப³து³ஸ்ஸூபரி டி²தங். ததே²வ அட்டா²ஸீதி தாஹி ததா² வுத்தேபி யதா² ததோ புப்³பே³, ததே²வ அட்டா²ஸி. ஸுவண்ணபட்டந்தி நிப்³பு³த்³தே⁴ படிஜினித்வா லத்³த⁴ப்³ப³ஸுவண்ணபட்டங். வீதிக்கமஸ்ஸ அகதத்தா அஸம்பி⁴ன்னேனேவ ஸீலேன. யஸ்மா தஸ்மிங் ஸத்து² ஸந்திகங் ஆக³ச்ச²ந்தே தாபி தேன ஸத்³தி⁴ங் ஆக³மங்ஸு தஸ்மா ‘‘அச்ச²ராஸங்க⁴பரிவுதோ’’தி வுத்தங்.
Abbhantareti kucchiyaṃ bhattassa parittatāya satthakavātāti tikkhabhāvena satthakā viya kantanakā vātā. Dhurasmiṃyevāti kilesamārena yuddhe eva. Vimuttāyatanasīse ṭhatvā dhammaṃ desento vā. Upanissayamandatāya aparipakkañāṇatāya āsavakkhayaṃ appatto kālaṃ katvāti yojanā. Upari ṭhitanti parikkhārabhāvena dibbadussūpari ṭhitaṃ. Tatheva aṭṭhāsīti tāhi tathā vuttepi yathā tato pubbe, tatheva aṭṭhāsi. Suvaṇṇapaṭṭanti nibbuddhe paṭijinitvā laddhabbasuvaṇṇapaṭṭaṃ. Vītikkamassa akatattā asambhinneneva sīlena. Yasmā tasmiṃ satthu santikaṃ āgacchante tāpi tena saddhiṃ āgamaṃsu tasmā ‘‘accharāsaṅghaparivuto’’ti vuttaṃ.
ஸங்கோ⁴ஸிதந்தி ஸங்க³ம்ம கோ⁴ஸிதங், தத்த² தத்த² அச்ச²ரானங் கீ³தஸத்³த³வஸேன கோ⁴ஸிதங். பிஸாசக³ணங் கத்வா வத³தி அச்ச²ந்த³ராக³தாய. நியாமசித்ததாயாதி ஸம்மத்தனியாமே நின்னசித்ததாய. க³ருபா⁴வேனாதி தாஸங் வஸே அவத்தனதோ க³ருட்டா²னபா⁴வேன. யாத்ராதி நிப்³பா³னங் பதி யாத்ரா. தங் பன வட்டதோ நிக்³க³மனங் ஹோதீதி ஆஹ ‘‘கத²ங் நிக்³க³மனங் ப⁴விஸ்ஸதீ’’தி.
Saṅghositanti saṅgamma ghositaṃ, tattha tattha accharānaṃ gītasaddavasena ghositaṃ. Pisācagaṇaṃ katvā vadati acchandarāgatāya. Niyāmacittatāyāti sammattaniyāme ninnacittatāya. Garubhāvenāti tāsaṃ vase avattanato garuṭṭhānabhāvena. Yātrāti nibbānaṃ pati yātrā. Taṃ pana vaṭṭato niggamanaṃ hotīti āha ‘‘kathaṃ niggamanaṃ bhavissatī’’ti.
அதிஸல்லேக²தேவாதி அதிவிய கிலேஸானங் ஸல்லேகி²தவுத்திகோ. அகதாபி⁴னிவேஸஸ்ஸாதி பா⁴வனமனநுயுத்தஸ்ஸ அனாரத்³த⁴விபஸ்ஸகஸ்ஸ. காரகஸ்ஸாதி ஸுக³தோவாத³காரகஸ்ஸ ஸம்மாபடிபஜ்ஜதோ. ஸுஞ்ஞதாவிபஸ்ஸனந்தி ஸுஞ்ஞதாதீ³பனங் விபஸ்ஸனங் து³ச்சரிததண்ஹாய தூ³ரீகரணேன ஏகவிஹாரிதாய. ஏகோ மக்³கோ³ அஸ்ஸாதி லோகுத்தரமக்³கோ³ ஏவ அஸ்ஸ அனாக³தோ, புப்³ப³பா⁴க³மக்³கோ³ பன கதபரிசயோதி அத்தோ².
Atisallekhatevāti ativiya kilesānaṃ sallekhitavuttiko. Akatābhinivesassāti bhāvanamananuyuttassa anāraddhavipassakassa. Kārakassāti sugatovādakārakassa sammāpaṭipajjato. Suññatāvipassananti suññatādīpanaṃ vipassanaṃ duccaritataṇhāya dūrīkaraṇena ekavihāritāya. Eko maggo assāti lokuttaramaggo eva assa anāgato, pubbabhāgamaggo pana kataparicayoti attho.
காயவங்காதீ³னந்தி காயது³ச்சரிதாதீ³னங் அபா⁴வதோ ஸமுச்சி²ந்த³னேன அனுபலப்³ப⁴னதோ. நத்தி² எத்த² ப⁴யங், அஸ்மிங் வா அதி⁴க³தே புக்³க³லஸ்ஸ நத்தி² ப⁴யந்தி அப⁴யங் நாம. ஸங்ஸாரகந்தாரங் அதிக்கமித்வா நிப்³பா³னஸங்கா²தங் கே²மங் அமதட்டா²னங் க³மனே ஸுக³தஸாரதி²னா ஸுஸஜ்ஜிதயானபா⁴வதோ ரதோ² அகூஜனோதி அட்ட²ங்கி³கோ மக்³கோ³வ அதி⁴ப்பேதோ. த⁴ம்மதோ அனபேததாய அபராபருப்பத்தியா ச த⁴ம்மசக்கேஹி.
Kāyavaṅkādīnanti kāyaduccaritādīnaṃ abhāvato samucchindanena anupalabbhanato. Natthi ettha bhayaṃ, asmiṃ vā adhigate puggalassa natthi bhayanti abhayaṃ nāma. Saṃsārakantāraṃ atikkamitvā nibbānasaṅkhātaṃ khemaṃ amataṭṭhānaṃ gamane sugatasārathinā susajjitayānabhāvato ratho akūjanoti aṭṭhaṅgiko maggova adhippeto. Dhammato anapetatāya aparāparuppattiyā ca dhammacakkehi.
ஒத்தப்பம்பி க³ஹிதமேவ அவினாபா⁴வா. அபாலம்போ³தி அவஸ்ஸயோ. பரிவாரோதி பரிக்கா²ரோ அபி⁴ஸங்க²ரணதோ. மக்³க³ஸ்ஸ கரணட்டா²னே த⁴ம்மோ தப்பரியாபன்னா ஸம்மாதி³ட்டி². அனிச்சாதி³வஸேனாதி அனிச்சானுபஸ்ஸனாதி³வஸேன. ஸோதி⁴தேஸு வஜ்ஜ²மானேஸு. பூ⁴மிலத்³த⁴வட்டந்தி பூ⁴மிலத்³த⁴ஸங்கா²தங் வட்டங். தத்த² விபஸ்ஸனாய பவத்திட்டா²னபா⁴வதோ பஞ்சக்க²ந்தா⁴ பூ⁴மி நாம, வட்டமயகம்மபா⁴வதோ தத்த² உப்பஜ்ஜனாரஹங் கிலேஸஜாதங் பூ⁴மிலத்³த⁴வட்டங். பரிஜானமானாதி பரிச்சி²ந்த³னவஸேன ஸமதிக்கமவஸேன ஜானமானா படிவிஜ்ஜ²ந்தீ.
Ottappampi gahitameva avinābhāvā. Apālamboti avassayo. Parivāroti parikkhāro abhisaṅkharaṇato. Maggassa karaṇaṭṭhāne dhammo tappariyāpannā sammādiṭṭhi. Aniccādivasenāti aniccānupassanādivasena. Sodhitesu vajjhamānesu. Bhūmiladdhavaṭṭanti bhūmiladdhasaṅkhātaṃ vaṭṭaṃ. Tattha vipassanāya pavattiṭṭhānabhāvato pañcakkhandhā bhūmi nāma, vaṭṭamayakammabhāvato tattha uppajjanārahaṃ kilesajātaṃ bhūmiladdhavaṭṭaṃ. Parijānamānāti paricchindanavasena samatikkamavasena jānamānā paṭivijjhantī.
கஸ்மா தே³வபுத்தோ ஸோதாபத்திப²லேயேவ பதிட்டா²ஸி, நனு ச ஸா தே³ஸனா ப⁴க³வதா சதுமக்³க³ப்பதா⁴னபா⁴வேன பவத்திதாதி ஆஹ ‘‘யதா² ஹீ’’திஆதி³.
Kasmā devaputto sotāpattiphaleyeva patiṭṭhāsi, nanu ca sā desanā bhagavatā catumaggappadhānabhāvena pavattitāti āha ‘‘yathā hī’’tiādi.
அச்ச²ராஸுத்தவண்ணனா நிட்டி²தா.
Accharāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. அச்ச²ராஸுத்தங் • 6. Accharāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. அச்ச²ராஸுத்தவண்ணனா • 6. Accharāsuttavaṇṇanā
