| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૩. અડ્ઢચેળકત્થેરઅપદાનવણ્ણના
3. Aḍḍhaceḷakattheraapadānavaṇṇanā
તિસ્સસ્સાહં ભગવતોતિઆદિકં આયસ્મતો અડ્ઢચેળકત્થેરસ્સ અપદાનં. અયમ્પિ થેરો પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો તિસ્સસ્સ ભગવતો કાલે એકેનાકુસલેન કમ્મેન દુગ્ગતકુલગેહે નિબ્બત્તો વુદ્ધિમન્વાય સદ્ધમ્મદેસનં ઞત્વા પસન્નમાનસો ચીવરત્થાય અડ્ઢભાગં એકં દુસ્સમદાસિ. સો તેનેવ પીતિસોમનસ્સેન કાલં કત્વા સગ્ગે નિબ્બત્તો છ કામાવચરસમ્પત્તિમનુભવિત્વા તતો ચુતો મનુસ્સેસુ મનુસ્સસમ્પત્તીનં અગ્ગભૂતં ચક્કવત્તિસમ્પત્તિં અનુભવિત્વા ઇમસ્મિં બુદ્ધુપ્પાદે એકસ્મિં અદ્ધકુલે નિબ્બત્તો વુદ્ધિપ્પત્તો સત્થુ ધમ્મદેસનં સુત્વા પસન્નમાનસો પબ્બજિત્વા નચિરસ્સેવ અરહા અહોસિ.
Tissassāhaṃbhagavatotiādikaṃ āyasmato aḍḍhaceḷakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekenākusalena kammena duggatakulagehe nibbatto vuddhimanvāya saddhammadesanaṃ ñatvā pasannamānaso cīvaratthāya aḍḍhabhāgaṃ ekaṃ dussamadāsi. So teneva pītisomanassena kālaṃ katvā sagge nibbatto cha kāmāvacarasampattimanubhavitvā tato cuto manussesu manussasampattīnaṃ aggabhūtaṃ cakkavattisampattiṃ anubhavitvā imasmiṃ buddhuppāde ekasmiṃ addhakule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā ahosi.
૧૪. સો અપરભાગે અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો તિસ્સસ્સાહં ભગવતોતિઆદિમાહ. તં સબ્બં ઉત્તાનત્થમેવાતિ.
14. So aparabhāge attano pubbakammaṃ saritvā somanassajāto pubbacaritāpadānaṃ pakāsento tissassāhaṃ bhagavatotiādimāha. Taṃ sabbaṃ uttānatthamevāti.
અડ્ઢચેળકત્થેરઅપદાનવણ્ણના સમત્તા.
Aḍḍhaceḷakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૩. અડ્ઢચેળકત્થેરઅપદાનં • 3. Aḍḍhaceḷakattheraapadānaṃ
