| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. அதி⁴க³மஸுத்தங்
5. Adhigamasuttaṃ
79. ‘‘ச²ஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² அப⁴ப்³போ³ அனதி⁴க³தங் வா குஸலங் த⁴ம்மங் அதி⁴க³ந்துங், அதி⁴க³தங் வா குஸலங் த⁴ம்மங் பா²திங் காதுங் 1. கதமேஹி ச²ஹி? இத⁴, பி⁴க்க²வே, பி⁴க்கு² ந ஆயகுஸலோ ச ஹோதி, ந அபாயகுஸலோ ச ஹோதி, ந உபாயகுஸலோ ச ஹோதி, அனதி⁴க³தானங் குஸலானங் த⁴ம்மானங் அதி⁴க³மாய ந ச²ந்த³ங் ஜனேதி, அதி⁴க³தே குஸலே த⁴ம்மே ந ஆரக்க²தி 2, ஸாதச்சகிரியாய ந ஸம்பாதே³தி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² அப⁴ப்³போ³ அனதி⁴க³தங் வா குஸலங் த⁴ம்மங் அதி⁴க³ந்துங், அதி⁴க³தங் வா குஸலங் த⁴ம்மங் பா²திங் காதுங்.
79. ‘‘Chahi, bhikkhave, dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ 3. Katamehi chahi? Idha, bhikkhave, bhikkhu na āyakusalo ca hoti, na apāyakusalo ca hoti, na upāyakusalo ca hoti, anadhigatānaṃ kusalānaṃ dhammānaṃ adhigamāya na chandaṃ janeti, adhigate kusale dhamme na ārakkhati 4, sātaccakiriyāya na sampādeti. Imehi kho, bhikkhave, chahi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ.
‘‘ச²ஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² ப⁴ப்³போ³ அனதி⁴க³தங் வா குஸலங் த⁴ம்மங் அதி⁴க³ந்துங், அதி⁴க³தங் வா குஸலங் த⁴ம்மங் பா²திங் காதுங். கதமேஹி ச²ஹி? இத⁴, பி⁴க்க²வே, பி⁴க்கு² ஆயகுஸலோ ச ஹோதி, அபாயகுஸலோ ச ஹோதி, உபாயகுஸலோ ச ஹோதி, அனதி⁴க³தானங் குஸலானங் த⁴ம்மானங் அதி⁴க³மாய ச²ந்த³ங் ஜனேதி, அதி⁴க³தே குஸலே த⁴ம்மே ஆரக்க²தி, ஸாதச்சகிரியாய ஸம்பாதே³தி. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² ப⁴ப்³போ³ அனதி⁴க³தங் வா குஸலங் த⁴ம்மங் அதி⁴க³ந்துங், அதி⁴க³தங் வா குஸலங் த⁴ம்மங் பா²திங் காது’’ந்தி. பஞ்சமங்.
‘‘Chahi , bhikkhave, dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. Katamehi chahi? Idha, bhikkhave, bhikkhu āyakusalo ca hoti, apāyakusalo ca hoti, upāyakusalo ca hoti, anadhigatānaṃ kusalānaṃ dhammānaṃ adhigamāya chandaṃ janeti, adhigate kusale dhamme ārakkhati, sātaccakiriyāya sampādeti. Imehi kho, bhikkhave, chahi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātu’’nti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. அதி⁴க³மஸுத்தவண்ணனா • 5. Adhigamasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. அதி⁴க³மஸுத்தவண்ணனா • 5. Adhigamasuttavaṇṇanā
