| Library / Tipiṭaka / તિપિટક • Tipiṭaka / મહાવિભઙ્ગ • Mahāvibhaṅga |
૮. અધિકરણસમથા
8. Adhikaraṇasamathā
ઇમે ખો પનાયસ્મન્તો સત્ત અધિકરણસમથા
Ime kho panāyasmanto satta adhikaraṇasamathā
ધમ્મા ઉદ્દેસં આગચ્છન્તિ.
Dhammā uddesaṃ āgacchanti.
૬૫૫. ઉપ્પન્નુપ્પન્નાનં અધિકરણાનં સમથાય વૂપસમાય સમ્મુખાવિનયો દાતબ્બો, સતિવિનયો દાતબ્બો, અમૂળ્હવિનયો દાતબ્બો, પટિઞ્ઞાય કારેતબ્બં, યેભુય્યસિકા, તસ્સપાપિયસિકા, તિણવત્થારકોતિ.
655. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārakoti.
ઉદ્દિટ્ઠા ખો, આયસ્મન્તો, સત્ત અધિકરણસમથા ધમ્મા. તત્થાયસ્મન્તે પુચ્છામિ – ‘‘કચ્ચિત્થ પરિસુદ્ધા’’? દુતિયમ્પિ પુચ્છામિ – ‘‘કચ્ચિત્થ પરિસુદ્ધા’’? તતિયમ્પિ પુચ્છામિ – ‘‘કચ્ચિત્થ પરિસુદ્ધા’’? પરિસુદ્ધેત્થાયસ્મન્તો, તસ્મા તુણ્હી, એવમેતં ધારયામીતિ.
Uddiṭṭhā kho, āyasmanto, satta adhikaraṇasamathā dhammā. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.
અધિકરણસમથા નિટ્ઠિતા.
Adhikaraṇasamathā niṭṭhitā.
ઉદ્દિટ્ઠં ખો, આયસ્મન્તો, નિદાનં; ઉદ્દિટ્ઠા ચત્તારો પારાજિકા ધમ્મા; ઉદ્દિટ્ઠા તેરસ સઙ્ઘાદિસેસા ધમ્મા; ઉદ્દિટ્ઠા દ્વે અનિયતા ધમ્મા; ઉદ્દિટ્ઠા તિંસ નિસ્સગ્ગિયા પાચિત્તિયા ધમ્મા; ઉદ્દિટ્ઠા દ્વેનવુતિ પાચિત્તિયા ધમ્મા; ઉદ્દિટ્ઠા ચત્તારો પાટિદેસનીયા ધમ્મા; ઉદ્દિટ્ઠા સેખિયા ધમ્મા; ઉદ્દિટ્ઠા સત્ત અધિકરણસમથા ધમ્મા. એત્તકં તસ્સ ભગવતો સુત્તાગતં સુત્તપરિયાપન્નં અન્વદ્ધમાસં ઉદ્દેસં આગચ્છતિ. તત્થ સબ્બેહેવ સમગ્ગેહિ સમ્મોદમાનેહિ અવિવદમાનેહિ સિક્ખિતબ્બન્તિ.
Uddiṭṭhaṃ kho, āyasmanto, nidānaṃ; uddiṭṭhā cattāro pārājikā dhammā; uddiṭṭhā terasa saṅghādisesā dhammā; uddiṭṭhā dve aniyatā dhammā; uddiṭṭhā tiṃsa nissaggiyā pācittiyā dhammā; uddiṭṭhā dvenavuti pācittiyā dhammā; uddiṭṭhā cattāro pāṭidesanīyā dhammā; uddiṭṭhā sekhiyā dhammā; uddiṭṭhā satta adhikaraṇasamathā dhammā. Ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbeheva samaggehi sammodamānehi avivadamānehi sikkhitabbanti.
મહાવિભઙ્ગો નિટ્ઠિતો.
Mahāvibhaṅgo niṭṭhito.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૮. સત્તાધિકરણસમથા • 8. Sattādhikaraṇasamathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૭. પાદુકવગ્ગવણ્ણના • 7. Pādukavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૮. સત્તાધિકરણસમથ-અત્થયોજના • 8. Sattādhikaraṇasamatha-atthayojanā
