| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૬. અધિમુત્તત્થેરઅપદાનવણ્ણના
6. Adhimuttattheraapadānavaṇṇanā
નિબ્બુતે લોકનાથમ્હીતિઆદિકં આયસ્મતો અધિમુત્તત્થેરસ્સ અપદાનં (થેરગા॰ અટ્ઠ॰ ૨.અધિમુત્તત્થેરગાથાવણ્ણના). અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો અત્થદસ્સિમ્હિ લોકનાથે પરિનિબ્બુતે એકસ્મિં કુલગેહે નિબ્બત્તો રતનત્તયે પસન્નો ભિક્ખુસઙ્ઘં નિમન્તેત્વા ઉચ્છૂહિ મણ્ડપં કારેત્વા મહાદાનં પવત્તેત્વા પરિયોસાને સન્તિપદં પણિધેસિ. સો તતો ચુતો દેવેસુ ચ મનુસ્સેસુ ચ ઉભયસમ્પત્તિયો અનુભવિત્વા ઇમસ્મિં બુદ્ધુપ્પાદે એકસ્મિં કુલગેહે નિબ્બત્તો સાસને પસીદિત્વા સદ્ધાય પતિટ્ઠિતત્તા અધિમુત્તત્થેરોતિ પાકટો.
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
૮૪. એવં કતસમ્ભારવસેન અરહત્તં પત્વા અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો નિબ્બુતે લોકનાથમ્હીતિઆદિમાહ. તં સબ્બં ઉત્તાનત્થમેવાતિ.
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
અધિમુત્તત્થેરઅપદાનવણ્ણના સમત્તા.
Adhimuttattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૬. અધિમુત્તત્થેરઅપદાનં • 6. Adhimuttattheraapadānaṃ
