| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय १।४१
Saṁyutta Nikāya 1.41
The Related Suttas Collection 1.41
५। आदित्तवग्ग
5. Ādittavagga
5. On Fire
आदित्तसुत्त
Ādittasutta
On Fire
एवं मे सुतं—एकं समयं भगवा सावत्थियं विहरति जेतवने अनाथपिण्डिकस्स आरामे।
Evaṁ me sutaṁ—ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
So I have heard. At one time the Buddha was staying near Sāvatthī in Jeta’s Grove, Anāthapiṇḍika’s Monastery.
अथ खो अञ्ञतरा देवता अभिक्कन्ताय रत्तिया अभिक्कन्तवण्णा केवलकप्पं जेतवनं ओभासेत्वा येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं अट्ठासि। एकमन्तं ठिता खो सा देवता भगवतो सन्तिके इमा गाथायो अभासि:
Atha kho aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā devatā bhagavato santike imā gāthāyo abhāsi:
Then, late at night, a glorious deity, lighting up the entire Jeta’s Grove, went up to the Buddha, bowed, stood to one side, and recited these verses in the Buddha’s presence:
“आदित्तस्मिं अगारस्मिं, यं नीहरति भाजनं; तं तस्स होति अत्थाय, नो च यं तत्थ डय्हति।
“Ādittasmiṁ agārasmiṁ, yaṁ nīharati bhājanaṁ; Taṁ tassa hoti atthāya, no ca yaṁ tattha ḍayhati.
“When your house is on fire, you rescue the pot that’s useful, not the one that’s burnt.
एवं आदित्तको लोको, जराय मरणेन च; नीहरेथेव दानेन, दिन्नं होति सुनीहतं।
Evaṁ ādittako loko, jarāya maraṇena ca; Nīharetheva dānena, dinnaṁ hoti sunīhataṁ.
And as the world is on fire with old age and death, you should rescue by giving, for what’s given is rescued.
दिन्नं सुखफलं होति, नादिन्नं होति तं तथा; चोरा हरन्ति राजानो, अग्गि डहति नस्सति।
Dinnaṁ sukhaphalaṁ hoti, nādinnaṁ hoti taṁ tathā; Corā haranti rājāno, aggi ḍahati nassati.
What’s given has happiness as its fruit, but not what isn’t given. Bandits take it, or rulers, it’s consumed by fire, or lost.
अथ अन्तेन जहति, सरीरं सपरिग्गहं; एतदञ्ञाय मेधावी, भुञ्जेथ च ददेथ च; दत्वा च भुत्वा च यथानुभावं, अनिन्दितो सग्गमुपेति ठानन्”ति।
Atha antena jahati, Sarīraṁ sapariggahaṁ; Etadaññāya medhāvī, Bhuñjetha ca dadetha ca; Datvā ca bhutvā ca yathānubhāvaṁ, Anindito saggamupeti ṭhānan”ti.
Then in the end this corpse is cast off, along with all your possessions. Knowing this, a clever person would enjoy what they have and also give it away. After giving and using according to their means, blameless, they go to a heavenly place.”
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
