| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. ஆதி³த்தவக்³கோ³
5. Ādittavaggo
1. ஆதி³த்தஸுத்தவண்ணனா
1. Ādittasuttavaṇṇanā
41. ஸீஸந்தி தே³ஸனாபதே³ஸோ, தே³ஸனாய அஞ்ஞேஸுபி வத்தப்³பே³ஸு கஸ்ஸசிதே³வ ஸீஸபா⁴கே³ன அபதி³ஸனங். தேனாஹ ‘‘ராகா³தீ³ஹீ’’திஆதி³. தா³னேனாதி அத்தனோ ஸந்தகஸ்ஸ பரேஸங் பரிச்சஜனேன. தங் பன பரிச்சஜனங் சேதனாய ஹோதீதி ஆஹ ‘‘தா³னசேதனாயா’’தி தா³னபுஞ்ஞசேதனாதி தா³னமயா புஞ்ஞசேதனா தா³யகஸ்ஸேவ ஹோதி தங்ஸந்ததிபரியாபன்னத்தா. நீஹதப⁴ண்ட³கந்தி ஆதி³த்தகே³ஹதோ ப³ஹி நிக்கா²மிதங் ப⁴ண்ட³கங். ஏதந்தி ‘‘தி³ன்னங் ஹோதீ’’திஆதி³வசனங். அதி³ன்னேதி தா³னமுகே² அனியுஞ்ஜிதே போ⁴கே³. ‘‘அந்தேனா’’தி ஜீவிதஸ்ஸ அந்தோ அதி⁴ப்பேதோதி ஆஹ ‘‘மரணேனா’’தி. மமாதி பரிக்³க³ஹிதத்தா பரிக்³க³ஹா, போ⁴கா³. தேபி கேனசி ஆகாரேன வினாஸங் அனுபக³தா மரணேன பஹீயந்தி நாமாதி வுத்தங் ‘‘சோராதீ³னங் வஸேன அவினட்ட²போ⁴கே³’’தி. ஸோப⁴னா அக்³க³பூ⁴தா ரூபாத³யோ எத்தா²தி ஸக்³கோ³, தங் ஸக்³க³ங்.
41.Sīsanti desanāpadeso, desanāya aññesupi vattabbesu kassacideva sīsabhāgena apadisanaṃ. Tenāha ‘‘rāgādīhī’’tiādi. Dānenāti attano santakassa paresaṃ pariccajanena. Taṃ pana pariccajanaṃ cetanāya hotīti āha ‘‘dānacetanāyā’’ti dānapuññacetanāti dānamayā puññacetanā dāyakasseva hoti taṃsantatipariyāpannattā. Nīhatabhaṇḍakanti ādittagehato bahi nikkhāmitaṃ bhaṇḍakaṃ. Etanti ‘‘dinnaṃ hotī’’tiādivacanaṃ. Adinneti dānamukhe aniyuñjite bhoge. ‘‘Antenā’’ti jīvitassa anto adhippetoti āha ‘‘maraṇenā’’ti. Mamāti pariggahitattā pariggahā, bhogā. Tepi kenaci ākārena vināsaṃ anupagatā maraṇena pahīyanti nāmāti vuttaṃ ‘‘corādīnaṃ vasena avinaṭṭhabhoge’’ti. Sobhanā aggabhūtā rūpādayo etthāti saggo, taṃ saggaṃ.
ஆதி³த்தஸுத்தவண்ணனா நிட்டி²தா.
Ādittasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஆதி³த்தஸுத்தங் • 1. Ādittasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஆதி³த்தஸுத்தவண்ணனா • 1. Ādittasuttavaṇṇanā
