| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. அகா³ரஸுத்தவண்ணனா
4. Agārasuttavaṇṇanā
262. புரத்தி²மாதி விப⁴த்திலோபேன நித்³தே³ஸோ, நிஸ்ஸக்கே வா ஏதங் பச்சத்தவசனங். பட²மஜ்ஜா²னாதி³வஸேனாதி பட²மது³தியஜ்ஜா²னவஸேன. அனுஸ்ஸதிவஸேனாதி நித³ஸ்ஸனமத்தங் அஞ்ஞஸ்ஸபி உபசாரஜ்ஜா²னக்³க³ஹிதஸ்ஸ ஸவிதக்கசாரஸ்ஸ நிராமிஸஸ்ஸ ஸுக²ஸ்ஸ லப்³ப⁴னதோ. தஸ்ஸபி வா பட²மஜ்ஜா²னாதீ³தி எத்த² ஆதி³-ஸத்³தே³ன ஸங்க³ஹோ த³ட்ட²ப்³போ³. காமஹேது து³க்க²ப்பத்தானங் து³க்க²வேத³னா காமாமிஸேன ஸாமிஸா வேத³னா. அனுத்தரவிமொக்கா² நாம அரஹத்தப²லங். ‘‘குதா³ஸ்ஸு நாமாஹங் ததா³யதனங் உபஸம்பஜ்ஜ விஹரிஸ்ஸாமீ’’தி ஏவங் பிஹங் உபட்டா²பயதோ தஸ்மிங் அனிஜ்ஜ²மானே பிஹப்பச்சயா உப்பன்னதோ³மனஸ்ஸவேத³னா. நெக்க²ம்மனிஸ்ஸிதா உபெக்கா²வேத³னா நிராமிஸா அது³க்க²மஸுகா² நாம. ஸவிஸேஸங் பன த³ஸ்ஸேதுங் ‘‘சதுத்த²ஜ்ஜா²னவஸேன உப்பன்னா அது³க்க²மஸுக²வேத³னா’’தி வுத்தங்.
262.Puratthimāti vibhattilopena niddeso, nissakke vā etaṃ paccattavacanaṃ. Paṭhamajjhānādivasenāti paṭhamadutiyajjhānavasena. Anussativasenāti nidassanamattaṃ aññassapi upacārajjhānaggahitassa savitakkacārassa nirāmisassa sukhassa labbhanato. Tassapi vā paṭhamajjhānādīti ettha ādi-saddena saṅgaho daṭṭhabbo. Kāmahetu dukkhappattānaṃ dukkhavedanā kāmāmisena sāmisā vedanā. Anuttaravimokkhā nāma arahattaphalaṃ. ‘‘Kudāssu nāmāhaṃ tadāyatanaṃ upasampajja viharissāmī’’ti evaṃ pihaṃ upaṭṭhāpayato tasmiṃ anijjhamāne pihappaccayā uppannadomanassavedanā. Nekkhammanissitā upekkhāvedanā nirāmisā adukkhamasukhā nāma. Savisesaṃ pana dassetuṃ ‘‘catutthajjhānavasena uppannā adukkhamasukhavedanā’’ti vuttaṃ.
அகா³ரஸுத்தவண்ணனா நிட்டி²தா.
Agārasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. அகா³ரஸுத்தங் • 4. Agārasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. அகா³ரஸுத்தவண்ணனா • 4. Agārasuttavaṇṇanā
