| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧૫. આહારપચ્ચયનિદ્દેસવણ્ણના
15. Āhārapaccayaniddesavaṇṇanā
૧૫. કેવલાય ઓજાય અજ્ઝોહરણસ્સ અભાવા ‘‘અસિતપીતાદિવત્થૂહિ સહ અજ્ઝોહરિતોવા’’તિ વુત્તં. ખાદનીયભોજનીયપ્પભેદે અસિતે તાવ કબળીકારતા હોતુ, પાતબ્બાદિકે પન કથન્તિ આહ ‘‘પાતબ્બ…પે॰… હોન્તી’’તિ. યેભુય્યવસેન વા એવં વુત્તન્તિ વેદિતબ્બં.
15. Kevalāya ojāya ajjhoharaṇassa abhāvā ‘‘asitapītādivatthūhi saha ajjhoharitovā’’ti vuttaṃ. Khādanīyabhojanīyappabhede asite tāva kabaḷīkāratā hotu, pātabbādike pana kathanti āha ‘‘pātabba…pe… hontī’’ti. Yebhuyyavasena vā evaṃ vuttanti veditabbaṃ.
અનુપાલકોતિ ઉપત્થમ્ભકો. ચિત્તસમુટ્ઠાનસ્સ કાયસ્સ આહારપચ્ચયભાવો કબળીકારાહારસ્સ વિચારેત્વા ગહેતબ્બો. કસ્માતિ ચે? એત્થ કારણમાહ ‘‘ન હી’’તિઆદિના. સતિ હિ પચ્ચયભાવે ‘‘ચિત્તસમુટ્ઠાનો કબળીકારાહારો ચિત્તસમુટ્ઠાનસ્સ કાયસ્સ આહારપચ્ચયેન પચ્ચયો’’તિઆદિ વત્તબ્બં સિયા, ન પન વુત્તં, નોચિત્તસમુટ્ઠાનસ્સ પન વુત્તં. તેનાહ ‘‘તિવિધોપિ…પે॰… વુત્તો’’તિ.
Anupālakoti upatthambhako. Cittasamuṭṭhānassa kāyassa āhārapaccayabhāvo kabaḷīkārāhārassa vicāretvā gahetabbo. Kasmāti ce? Ettha kāraṇamāha ‘‘na hī’’tiādinā. Sati hi paccayabhāve ‘‘cittasamuṭṭhāno kabaḷīkārāhāro cittasamuṭṭhānassa kāyassa āhārapaccayena paccayo’’tiādi vattabbaṃ siyā, na pana vuttaṃ, nocittasamuṭṭhānassa pana vuttaṃ. Tenāha ‘‘tividhopi…pe… vutto’’ti.
આહારપચ્ચયનિદ્દેસવણ્ણના નિટ્ઠિતા.
Āhārapaccayaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / (૨) પચ્ચયનિદ્દેસો • (2) Paccayaniddeso
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૫. આહારપચ્ચયનિદ્દેસવણ્ણના • 15. Āhārapaccayaniddesavaṇṇanā
