| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૩. અજ્ઝત્તઅનિચ્ચનન્દિક્ખયસુત્તં
3. Ajjhattaaniccanandikkhayasuttaṃ
૧૫૮. ‘‘ચક્ખું, ભિક્ખવે, યોનિસો મનસિ કરોથ; ચક્ખાનિચ્ચતઞ્ચ યથાભૂતં સમનુપસ્સથ. ચક્ખું, ભિક્ખવે, ભિક્ખુ યોનિસો મનસિકરોન્તો, ચક્ખાનિચ્ચતઞ્ચ યથાભૂતં સમનુપસ્સન્તો ચક્ખુસ્મિમ્પિ નિબ્બિન્દતિ. નન્દિક્ખયા રાગક્ખયો; રાગક્ખયા નન્દિક્ખયો. નન્દિરાગક્ખયા ચિત્તં સુવિમુત્તન્તિ વુચ્ચતિ. સોતં , ભિક્ખવે, યોનિસો મનસિ કરોથ… ઘાનં… જિવ્હં, ભિક્ખવે, યોનિસો મનસિ કરોથ; જિવ્હાનિચ્ચતઞ્ચ યથાભૂતં સમનુપસ્સથ. જિવ્હં, ભિક્ખવે, ભિક્ખુ યોનિસો મનસિકરોન્તો, જિવ્હાનિચ્ચતઞ્ચ યથાભૂતં સમનુપસ્સન્તો જિવ્હાયપિ નિબ્બિન્દતિ. નન્દિક્ખયા રાગક્ખયો; રાગક્ખયા નન્દિક્ખયો. નન્દિરાગક્ખયા ચિત્તં સુવિમુત્તન્તિ વુચ્ચતિ. કાયં… મનં, ભિક્ખવે, યોનિસો મનસિ કરોથ; મનાનિચ્ચતઞ્ચ યથાભૂતં સમનુપસ્સથ. મનં, ભિક્ખવે, ભિક્ખુ યોનિસો મનસિકરોન્તો , મનાનિચ્ચતઞ્ચ યથાભૂતં સમનુપસ્સન્તો મનસ્મિમ્પિ નિબ્બિન્દતિ. નન્દિક્ખયા રાગક્ખયો; રાગક્ખયા નન્દિક્ખયો. નન્દિરાગક્ખયા ચિત્તં સુવિમુત્તન્તિ વુચ્ચતી’’તિ. તતિયં.
158. ‘‘Cakkhuṃ, bhikkhave, yoniso manasi karotha; cakkhāniccatañca yathābhūtaṃ samanupassatha. Cakkhuṃ, bhikkhave, bhikkhu yoniso manasikaronto, cakkhāniccatañca yathābhūtaṃ samanupassanto cakkhusmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Sotaṃ , bhikkhave, yoniso manasi karotha… ghānaṃ… jivhaṃ, bhikkhave, yoniso manasi karotha; jivhāniccatañca yathābhūtaṃ samanupassatha. Jivhaṃ, bhikkhave, bhikkhu yoniso manasikaronto, jivhāniccatañca yathābhūtaṃ samanupassanto jivhāyapi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Kāyaṃ… manaṃ, bhikkhave, yoniso manasi karotha; manāniccatañca yathābhūtaṃ samanupassatha. Manaṃ, bhikkhave, bhikkhu yoniso manasikaronto , manāniccatañca yathābhūtaṃ samanupassanto manasmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Tatiyaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૪. અજ્ઝત્તનન્દિક્ખયસુત્તાદિવણ્ણના • 1-4. Ajjhattanandikkhayasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૪. અજ્ઝત્તનન્દિક્ખયસુત્તાદિવણ્ણના • 1-4. Ajjhattanandikkhayasuttādivaṇṇanā
