| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૩૯. અજ્ઝત્તપચ્ચુપ્પન્નયદનિચ્ચસુત્તં
39. Ajjhattapaccuppannayadaniccasuttaṃ
૨૦૬. ‘‘ચક્ખુ, ભિક્ખવે, અનિચ્ચં પચ્ચુપ્પન્નં. યદનિચ્ચં, તં દુક્ખં. યં દુક્ખં, તદનત્તા. યદનત્તા તં ‘નેતં મમ, નેસોહમસ્મિ, ન મેસો અત્તા’તિ એવમેતં યથાભૂતં સમ્મપ્પઞ્ઞાય દટ્ઠબ્બં…પે॰… જિવ્હા અનિચ્ચા પચ્ચુપ્પન્ના. યદનિચ્ચં, તં દુક્ખં. યં દુક્ખં, તદનત્તા. યદનત્તા, તં ‘નેતં મમ, નેસોહમસ્મિ, ન મેસો અત્તા’તિ એવમેતં યથાભૂતં સમ્મપ્પઞ્ઞાય દટ્ઠબ્બં…પે॰… મનો અનિચ્ચો પચ્ચુપ્પન્નો. યદનિચ્ચં તં દુક્ખં. યં દુક્ખં તદનત્તા. યદનત્તા, તં ‘નેતં મમ, નેસોહમસ્મિ, ન મેસો અત્તા’તિ એવમેતં યથાભૂતં સમ્મપ્પઞ્ઞાય દટ્ઠબ્બં. એવં પસ્સં…પે॰… નાપરં ઇત્થત્તાયાતિ પજાનાતી’’તિ.
206. ‘‘Cakkhu, bhikkhave, aniccaṃ paccuppannaṃ. Yadaniccaṃ, taṃ dukkhaṃ. Yaṃ dukkhaṃ, tadanattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ…pe… jivhā aniccā paccuppannā. Yadaniccaṃ, taṃ dukkhaṃ. Yaṃ dukkhaṃ, tadanattā. Yadanattā, taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ…pe… mano anicco paccuppanno. Yadaniccaṃ taṃ dukkhaṃ. Yaṃ dukkhaṃ tadanattā. Yadanattā, taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ…pe… nāparaṃ itthattāyāti pajānātī’’ti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૬૦. અજ્ઝત્તઅનિચ્ચછન્દસુત્તાદિવણ્ણના • 1-60. Ajjhattaaniccachandasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૬૦. અજ્ઝત્તઅનિચ્ચછન્દસુત્તાદિવણ્ણના • 1-60. Ajjhattaaniccachandasuttādivaṇṇanā
