| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૬. છટ્ઠવગ્ગો
6. Chaṭṭhavaggo
(૫૮) ૬. આકાસકથા
(58) 6. Ākāsakathā
૪૬૦. આકાસો અસઙ્ખતોતિ? આમન્તા. નિબ્બાનં તાણં લેણં સરણં પરાયનં અચ્ચુતં અમતન્તિ? ન હેવં વત્તબ્બે…પે॰… આકાસો અસઙ્ખતો, નિબ્બાનં અસઙ્ખતન્તિ? આમન્તા. દ્વે અસઙ્ખતાનીતિ? ન હેવં વત્તબ્બે…પે॰…. દ્વે અસઙ્ખતાનીતિ? આમન્તા . દ્વે તાણાનિ…પે॰… અન્તરિકા વાતિ? ન હેવં વત્તબ્બે…પે॰….
460. Ākāso asaṅkhatoti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… ākāso asaṅkhato, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe…. Dve asaṅkhatānīti? Āmantā . Dve tāṇāni…pe… antarikā vāti? Na hevaṃ vattabbe…pe….
આકાસો અસઙ્ખતોતિ? આમન્તા. અત્થિ કેચિ અનાકાસં આકાસં કરોન્તીતિ? આમન્તા. અત્થિ કેચિ સઙ્ખતં અસઙ્ખતં કરોન્તીતિ? ન હેવં વત્તબ્બે…પે॰… અત્થિ કેચિ આકાસં અનાકાસં કરોન્તીતિ? આમન્તા. અત્થિ કેચિ અસઙ્ખતં સઙ્ખતં કરોન્તીતિ? ન હેવં વત્તબ્બે…પે॰….
Ākāso asaṅkhatoti? Āmantā. Atthi keci anākāsaṃ ākāsaṃ karontīti? Āmantā. Atthi keci saṅkhataṃ asaṅkhataṃ karontīti? Na hevaṃ vattabbe…pe… atthi keci ākāsaṃ anākāsaṃ karontīti? Āmantā. Atthi keci asaṅkhataṃ saṅkhataṃ karontīti? Na hevaṃ vattabbe…pe….
આકાસે પક્ખિનો ગચ્છન્તિ, ચન્દિમસૂરિયા ગચ્છન્તિ, તારકરૂપાનિ ગચ્છન્તિ, ઇદ્ધિં વિકુબ્બન્તિ, બાહું ચાલેન્તિ, પાણિં ચાલેન્તિ, લેડ્ડું ખિપન્તિ, લગુળં ખિપન્તિ, ઇદ્ધિં 1 ખિપન્તિ, ઉસું ખિપન્તીતિ? આમન્તા. અસઙ્ખતે પક્ખિનો ગચ્છન્તિ, ચન્દિમસૂરિયા ગચ્છન્તિ, તારકરૂપાનિ ગચ્છન્તિ, ઇદ્ધિં વિકુબ્બન્તિ, બાહું ચાલેન્તિ, પાણિં ચાલેન્તિ, લેડ્ડું ખિપન્તિ, લગુળં ખિપન્તિ, ઇદ્ધિં ખિપન્તિ, ઉસું ખિપન્તીતિ? ન હેવં વત્તબ્બે…પે॰….
Ākāse pakkhino gacchanti, candimasūriyā gacchanti, tārakarūpāni gacchanti, iddhiṃ vikubbanti, bāhuṃ cālenti, pāṇiṃ cālenti, leḍḍuṃ khipanti, laguḷaṃ khipanti, iddhiṃ 2 khipanti, usuṃ khipantīti? Āmantā. Asaṅkhate pakkhino gacchanti, candimasūriyā gacchanti, tārakarūpāni gacchanti, iddhiṃ vikubbanti, bāhuṃ cālenti, pāṇiṃ cālenti, leḍḍuṃ khipanti, laguḷaṃ khipanti, iddhiṃ khipanti, usuṃ khipantīti? Na hevaṃ vattabbe…pe….
૪૬૧. આકાસં પરિવારેત્વા ઘરાનિ કરોન્તિ કોટ્ઠાનિ કરોન્તીતિ? આમન્તા. અસઙ્ખતં પરિવારેત્વા ઘરાનિ કરોન્તિ કોટ્ઠાનિ કરોન્તીતિ? ન હેવં વત્તબ્બે…પે॰….
461. Ākāsaṃ parivāretvā gharāni karonti koṭṭhāni karontīti? Āmantā. Asaṅkhataṃ parivāretvā gharāni karonti koṭṭhāni karontīti? Na hevaṃ vattabbe…pe….
ઉદપાને ખઞ્ઞમાને અનાકાસો આકાસો હોતીતિ? આમન્તા. સઙ્ખતં અસઙ્ખતં હોતીતિ? ન હેવં વત્તબ્બે…પે॰….
Udapāne khaññamāne anākāso ākāso hotīti? Āmantā. Saṅkhataṃ asaṅkhataṃ hotīti? Na hevaṃ vattabbe…pe….
તુચ્છઉદપાને પૂરિયમાને, તુચ્છકોટ્ઠે પૂરિયમાને, તુચ્છકુમ્ભિયા પૂરિયમાનાય આકાસો અન્તરધાયતીતિ? આમન્તા. અસઙ્ખતં અન્તરધાયતીતિ? ન હેવં વત્તબ્બે…પે॰….
Tucchaudapāne pūriyamāne, tucchakoṭṭhe pūriyamāne, tucchakumbhiyā pūriyamānāya ākāso antaradhāyatīti? Āmantā. Asaṅkhataṃ antaradhāyatīti? Na hevaṃ vattabbe…pe….
૪૬૨. ન વત્તબ્બં – ‘‘આકાસો અસઙ્ખતો’’તિ? આમન્તા. આકાસો સઙ્ખતોતિ? ન હેવં વત્તબ્બે…પે॰… તેન હિ આકાસો અસઙ્ખતોતિ.
462. Na vattabbaṃ – ‘‘ākāso asaṅkhato’’ti? Āmantā. Ākāso saṅkhatoti? Na hevaṃ vattabbe…pe… tena hi ākāso asaṅkhatoti.
આકાસકથા નિટ્ઠિતા.
Ākāsakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. આકાસકથાવણ્ણના • 6. Ākāsakathāvaṇṇanā
