| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. அக்கோஸகஸுத்தங்
8. Akkosakasuttaṃ
88. ‘‘யோ ஸோ, பி⁴க்க²வே, பி⁴க்கு² அக்கோஸகபரிபா⁴ஸகோ அரியூபவாதீ³ ஸப்³ரஹ்மசாரீனங் டா²னமேதங் அவகாஸோ 1 யங் ஸோ த³ஸன்னங் ப்³யஸனானங் அஞ்ஞதரங் ப்³யஸனங் நிக³ச்செ²ய்ய 2. கதமேஸங் த³ஸன்னங்? அனதி⁴க³தங் நாதி⁴க³ச்ச²தி, அதி⁴க³தா பரிஹாயதி, ஸத்³த⁴ம்மஸ்ஸ ந வோதா³யந்தி, ஸத்³த⁴ம்மேஸு வா அதி⁴மானிகோ ஹோதி அனபி⁴ரதோ வா ப்³ரஹ்மசரியங் சரதி, அஞ்ஞதரங் வா ஸங்கிலிட்ட²ங் ஆபத்திங் ஆபஜ்ஜதி, கா³ள்ஹங் வா ரோகா³தங்கங் பு²ஸதி, உம்மாத³ங் வா பாபுணாதி சித்தக்கே²பங், ஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. யோ ஸோ, பி⁴க்க²வே, பி⁴க்கு² அக்கோஸகபரிபா⁴ஸகோ அரியூபவாதீ³ ஸப்³ரஹ்மசாரீனங், டா²னமேதங் அவகாஸோ யங் ஸோ இமேஸங் த³ஸன்னங் ப்³யஸனானங் அஞ்ஞதரங் ப்³யஸனங் நிக³ச்செ²ய்யா’’தி. அட்ட²மங்.
88. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ ṭhānametaṃ avakāso 3 yaṃ so dasannaṃ byasanānaṃ aññataraṃ byasanaṃ nigaccheyya 4. Katamesaṃ dasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, ṭhānametaṃ avakāso yaṃ so imesaṃ dasannaṃ byasanānaṃ aññataraṃ byasanaṃ nigaccheyyā’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. அக்கோஸகஸுத்தவண்ணனா • 8. Akkosakasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-8. வாஹனஸுத்தாதி³வண்ணனா • 1-8. Vāhanasuttādivaṇṇanā
