| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
13. தேரஸகனிபாதோ
13. Terasakanipāto
474. அம்ப³ஜாதகங் (1)
474. Ambajātakaṃ (1)
1.
1.
அஹாஸி 1 மே அம்ப³ப²லானி புப்³பே³, அணூனி தூ²லானி ச ப்³ரஹ்மசாரி;
Ahāsi 2 me ambaphalāni pubbe, aṇūni thūlāni ca brahmacāri;
தேஹேவ மந்தேஹி ந தா³னி துய்ஹங், து³மப்ப²லா பாதுப⁴வந்தி ப்³ரஹ்மே.
Teheva mantehi na dāni tuyhaṃ, dumapphalā pātubhavanti brahme.
2.
2.
நக்க²த்தயோக³ங் படிமானயாமி, க²ணங் முஹுத்தஞ்ச மந்தே ந பஸ்ஸங் 3;
Nakkhattayogaṃ paṭimānayāmi, khaṇaṃ muhuttañca mante na passaṃ 4;
நக்க²த்தயோக³ஞ்ச க²ணஞ்ச லத்³தா⁴, அத்³தா⁴ஹரிஸ்ஸம்ப³ப²லங் 5 பஹூதங்.
Nakkhattayogañca khaṇañca laddhā, addhāharissambaphalaṃ 6 pahūtaṃ.
3.
3.
நக்க²த்தயோக³ங் ந புரே அபா⁴ணி, க²ணங் முஹுத்தங் ந புரே அஸங்ஸி;
Nakkhattayogaṃ na pure abhāṇi, khaṇaṃ muhuttaṃ na pure asaṃsi;
ஸயங் ஹரீ 7 அம்ப³ப²லங் பஹூதங், வண்ணேன க³ந்தே⁴ன ரஸேனுபேதங்.
Sayaṃ harī 8 ambaphalaṃ pahūtaṃ, vaṇṇena gandhena rasenupetaṃ.
4.
4.
மந்தாபி⁴ஜப்பேன புரே ஹி 9 துய்ஹங், து³மப்ப²லா பாதுப⁴வந்தி ப்³ரஹ்மே;
Mantābhijappena pure hi 10 tuyhaṃ, dumapphalā pātubhavanti brahme;
ஸ்வாஜ்ஜ ந பாரேஸி ஜப்பம்பி மந்தங் 11, அயங் ஸோ கோ நாம தவஜ்ஜ த⁴ம்மோ.
Svājja na pāresi jappampi mantaṃ 12, ayaṃ so ko nāma tavajja dhammo.
5.
5.
சண்டா³லபுத்தோ மம ஸம்பதா³ஸி, த⁴ம்மேன மந்தே பகதிஞ்ச ஸங்ஸி;
Caṇḍālaputto mama sampadāsi, dhammena mante pakatiñca saṃsi;
6.
6.
ஸோஹங் ஜனிந்தே³ன ஜனம்ஹி புட்டோ², மக்கா²பி⁴பூ⁴தோ அலிகங் அபா⁴ணிங்;
Sohaṃ janindena janamhi puṭṭho, makkhābhibhūto alikaṃ abhāṇiṃ;
‘‘மந்தா இமே ப்³ராஹ்மணஸ்ஸா’’தி மிச்சா², பஹீனமந்தோ கபணோ ருதா³மி.
‘‘Mantā ime brāhmaṇassā’’ti micchā, pahīnamanto kapaṇo rudāmi.
7.
7.
ஏரண்டா³ புசிமந்தா³ வா, அத² வா பாலிப⁴த்³த³கா;
Eraṇḍā pucimandā vā, atha vā pālibhaddakā;
மது⁴ங் மது⁴த்தி²கோ விந்தே³, ஸோ ஹி தஸ்ஸ து³முத்தமோ.
Madhuṃ madhutthiko vinde, so hi tassa dumuttamo.
8.
8.
க²த்தியா ப்³ராஹ்மணா வெஸ்ஸா, ஸுத்³தா³ சண்டா³லபுக்குஸா;
Khattiyā brāhmaṇā vessā, suddā caṇḍālapukkusā;
யம்ஹா த⁴ம்மங் விஜானெய்ய, ஸோ ஹி தஸ்ஸ நருத்தமோ.
Yamhā dhammaṃ vijāneyya, so hi tassa naruttamo.
9.
9.
இமஸ்ஸ த³ண்ட³ஞ்ச வத⁴ஞ்ச த³த்வா, க³லே க³ஹெத்வா க²லயாத² 17 ஜம்மங்;
Imassa daṇḍañca vadhañca datvā, gale gahetvā khalayātha 18 jammaṃ;
யோ உத்தமத்த²ங் கஸிரேன லத்³த⁴ங், மானாதிமானேன வினாஸயித்த².
Yo uttamatthaṃ kasirena laddhaṃ, mānātimānena vināsayittha.
10.
10.
யதா² ஸமங் மஞ்ஞமானோ பதெய்ய, ஸொப்³ப⁴ங் கு³ஹங் நரகங் பூதிபாத³ங்;
Yathā samaṃ maññamāno pateyya, sobbhaṃ guhaṃ narakaṃ pūtipādaṃ;
ரஜ்ஜூதி வா அக்கமே கண்ஹஸப்பங், அந்தோ⁴ யதா² ஜோதிமதி⁴ட்ட²ஹெய்ய;
Rajjūti vā akkame kaṇhasappaṃ, andho yathā jotimadhiṭṭhaheyya;
11.
11.
பகதிம்பி தே அத்தமனோ அஸங்ஸிங், த⁴ம்மே டி²தங் தங் 27 ந ஜஹெய்ய மந்தோ.
Pakatimpi te attamano asaṃsiṃ, dhamme ṭhitaṃ taṃ 28 na jaheyya manto.
12.
12.
யோ பா³ல மந்தங் 29 கஸிரேன லத்³த⁴ங், யங் து³ல்லப⁴ங் அஜ்ஜ மனுஸ்ஸலோகே;
Yo bāla mantaṃ 30 kasirena laddhaṃ, yaṃ dullabhaṃ ajja manussaloke;
கிஞ்சாபி லத்³தா⁴ ஜீவிதுங் அப்பபஞ்ஞோ 31, வினாஸயீ அலிகங் பா⁴ஸமானோ.
Kiñcāpi laddhā jīvituṃ appapañño 32, vināsayī alikaṃ bhāsamāno.
13.
13.
பா³லஸ்ஸ மூள்ஹஸ்ஸ அகதஞ்ஞுனோ ச, முஸா ப⁴ணந்தஸ்ஸ அஸஞ்ஞதஸ்ஸ;
Bālassa mūḷhassa akataññuno ca, musā bhaṇantassa asaññatassa;
மந்தே மயங் தாதி³ஸகே ந தே³ம, குதோ மந்தா க³ச்ச² ந மய்ஹ ருச்சஸீதி.
Mante mayaṃ tādisake na dema, kuto mantā gaccha na mayha ruccasīti.
அம்ப³ஜாதகங் பட²மங்.
Ambajātakaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [474] 1. அம்ப³ஜாதகவண்ணனா • [474] 1. Ambajātakavaṇṇanā
