| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૫. પઞ્ચમવગ્ગો
5. Pañcamavaggo
(૫૦) ૮. અનાગતઞાણકથા
(50) 8. Anāgatañāṇakathā
૪૩૯. અનાગતે ઞાણં અત્થીતિ? આમન્તા. અનાગતં મૂલતો જાનાતિ, હેતુતો જાનાતિ, નિદાનતો જાનાતિ, સમ્ભવતો જાનાતિ, પભવતો જાનાતિ, સમુટ્ઠાનતો જાનાતિ, આહારતો જાનાતિ , આરમ્મણતો જાનાતિ, પચ્ચયતો જાનાતિ, સમુદયતો જાનાતીતિ? ન હેવં વત્તબ્બે…પે॰….
439. Anāgate ñāṇaṃ atthīti? Āmantā. Anāgataṃ mūlato jānāti, hetuto jānāti, nidānato jānāti, sambhavato jānāti, pabhavato jānāti, samuṭṭhānato jānāti, āhārato jānāti , ārammaṇato jānāti, paccayato jānāti, samudayato jānātīti? Na hevaṃ vattabbe…pe….
અનાગતે ઞાણં અત્થીતિ? આમન્તા. અનાગતં હેતુપચ્ચયતં જાનાતિ, આરમ્મણપચ્ચયતં જાનાતિ, અધિપતિપચ્ચયતં જાનાતિ, અનન્તરપચ્ચયતં જાનાતિ, સમનન્તરપચ્ચયતં જાનાતીતિ? ન હેવં વત્તબ્બે…પે॰….
Anāgate ñāṇaṃ atthīti? Āmantā. Anāgataṃ hetupaccayataṃ jānāti, ārammaṇapaccayataṃ jānāti, adhipatipaccayataṃ jānāti, anantarapaccayataṃ jānāti, samanantarapaccayataṃ jānātīti? Na hevaṃ vattabbe…pe….
અનાગતે ઞાણં અત્થીતિ? આમન્તા. ગોત્રભુનો પુગ્ગલસ્સ સોતાપત્તિમગ્ગે ઞાણં અત્થીતિ? ન હેવં વત્તબ્બે…પે॰…. સોતાપત્તિફલસચ્છિકિરિયાય પટિપન્નસ્સ પુગ્ગલસ્સ સોતાપત્તિફલે ઞાણં અત્થીતિ? ન હેવં વત્તબ્બે…પે॰….
Anāgate ñāṇaṃ atthīti? Āmantā. Gotrabhuno puggalassa sotāpattimagge ñāṇaṃ atthīti? Na hevaṃ vattabbe…pe…. Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti? Na hevaṃ vattabbe…pe….
સકદાગામિ…પે॰… અનાગામિ …પે॰… અરહત્તસચ્છિકિરિયાય પટિપન્નસ્સ પુગ્ગલસ્સ અરહત્તે ઞાણં અત્થીતિ? ન હેવં વત્તબ્બે…પે॰….
Sakadāgāmi…pe… anāgāmi …pe… arahattasacchikiriyāya paṭipannassa puggalassa arahatte ñāṇaṃ atthīti? Na hevaṃ vattabbe…pe….
૪૪૦. ન વત્તબ્બં – ‘‘અનાગતે ઞાણં અત્થી’’તિ? આમન્તા. નનુ વુત્તં ભગવતા – ‘‘પાટલિપુત્તસ્સ ખો, આનન્દ, તયો અન્તરાયા ભવિસ્સન્તિ – અગ્ગિતો વા ઉદકતો વા મિથુભેદા વા’’તિ 1! અત્થેવ સુત્તન્તોતિ? આમન્તા. તેન હિ અનાગતે ઞાણં અત્થીતિ.
440. Na vattabbaṃ – ‘‘anāgate ñāṇaṃ atthī’’ti? Āmantā. Nanu vuttaṃ bhagavatā – ‘‘pāṭaliputtassa kho, ānanda, tayo antarāyā bhavissanti – aggito vā udakato vā mithubhedā vā’’ti 2! Attheva suttantoti? Āmantā. Tena hi anāgate ñāṇaṃ atthīti.
અનાગતઞાણકથા નિટ્ઠિતા.
Anāgatañāṇakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૮. અનાગતઞાણકથાવણ્ણના • 8. Anāgatañāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. અનાગતઞાણકથાવણ્ણના • 8. Anāgatañāṇakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. અનાગતઞાણકથાવણ્ણના • 8. Anāgatañāṇakathāvaṇṇanā
