| Tipiṭaka / Tipiṭaka (English) / Saṁyutta Nikāya, English translation |
Show IAST transliterationสํยุตฺต นิกาย ๒๒ฯ๒๑
The Related Suttas Collection 22.21
๒ฯ อนิจฺจวคฺค
2. Impermanence
อานนฺทสุตฺต
With Ānanda
สาวตฺถิยํ … อาราเมฯ
At Sāvatthī.
อถ โข อายสฺมา อานนฺโท เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิฯ เอกมนฺตํ นิสินฺโน โข อายสฺมา อานนฺโท ภควนฺตํ เอตทโวจ:
Then Venerable Ānanda went up to the Buddha, bowed, sat down to one side, and said to the Buddha:
“‘นิโรโธ นิโรโธ'ติ, ภนฺเต, วุจฺจติฯ กตเมสานํ โข, ภนฺเต, ธมฺมานํ นิโรโธ ‘นิโรโธ'ติ วุจฺจตี”ติ?
“Sir, they speak of ‘cessation’. The cessation of what things does this refer to?”
“รูปํ โข, อานนฺท, อนิจฺจํ สงฺขตํ ปฏิจฺจสมุปฺปนฺนํ ขยธมฺมํ วยธมฺมํ วิราคธมฺมํ นิโรธธมฺมํฯ ตสฺส นิโรโธ ‘นิโรโธ'ติ วุจฺจติฯ
“Ānanda, form is impermanent, conditioned, dependently originated, liable to end, vanish, fade away, and cease. Its cessation is what ‘cessation’ refers to.
เวทนา อนิจฺจา สงฺขตา ปฏิจฺจสมุปฺปนฺนา ขยธมฺมา วยธมฺมา วิราคธมฺมา นิโรธธมฺมาฯ ตสฺสา นิโรโธ ‘นิโรโธ'ติ วุจฺจติฯ
Feeling …
สญฺญา …
Perception …
สงฺขารา อนิจฺจา สงฺขตา ปฏิจฺจสมุปฺปนฺนา ขยธมฺมา วยธมฺมา วิราคธมฺมา นิโรธธมฺมาฯ เตสํ นิโรโธ ‘นิโรโธ'ติ วุจฺจติฯ
Choices …
วิญฺญาณํ อนิจฺจํ สงฺขตํ ปฏิจฺจสมุปฺปนฺนํ ขยธมฺมํ วยธมฺมํ วิราคธมฺมํ นิโรธธมฺมํฯ ตสฺส นิโรโธ ‘นิโรโธ'ติ วุจฺจติฯ
Consciousness is impermanent, conditioned, dependently originated, liable to end, vanish, fade away, and cease. Its cessation is what ‘cessation’ refers to.
อิเมสํ โข, อานนฺท, ธมฺมานํ นิโรโธ ‘นิโรโธ'ติ วุจฺจตี”ติฯ
When they speak of ‘cessation’, its the cessation of these things that this refers to.”
ทสมํฯ
อนิจฺจวคฺโค ทุติโยฯ
ตสฺสุทฺทานํ
อนิจฺจํ ทุกฺขํ อนตฺตา, ยทนิจฺจาปเร ตโย; เหตุนาปิ ตโย วุตฺตา, อานนฺเทน จ เต ทสาติฯ
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
