| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. ஆனந்த³ஸுத்தங்
6. Ānandasuttaṃ
106. ஏகங் ஸமயங் ப⁴க³வா கோஸம்பி³யங் விஹரதி கோ⁴ஸிதாராமே. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச –
106. Ekaṃ samayaṃ bhagavā kosambiyaṃ viharati ghositārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘ஸியா பன, ப⁴ந்தே, அஞ்ஞோபி பரியாயோ யதா² பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி? ‘‘ஸியா, ஆனந்த³ 9! யதோ கோ², ஆனந்த³, பி⁴க்கு² அத்தனா ஸீலஸம்பன்னோ ஹோதி, நோ பரங் அதி⁴ஸீலே ஸம்பவத்தா; அத்தானுபெக்கீ² ச ஹோதி, நோ பரானுபெக்கீ²; எத்தாவதாபி கோ², ஆனந்த³, பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி.
‘‘Siyā pana, bhante, aññopi pariyāyo yathā bhikkhu saṅghe viharanto phāsuṃ vihareyyā’’ti? ‘‘Siyā, ānanda 10! Yato kho, ānanda, bhikkhu attanā sīlasampanno hoti, no paraṃ adhisīle sampavattā; attānupekkhī ca hoti, no parānupekkhī; ettāvatāpi kho, ānanda, bhikkhu saṅghe viharanto phāsuṃ vihareyyā’’ti.
‘‘ஸியா பன, ப⁴ந்தே, அஞ்ஞோபி பரியாயோ யதா² பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி? ‘‘ஸியா, ஆனந்த³! யதோ கோ², ஆனந்த³, பி⁴க்கு² அத்தனா ஸீலஸம்பன்னோ ஹோதி, நோ பரங் அதி⁴ஸீலே ஸம்பவத்தா; அத்தானுபெக்கீ² ச ஹோதி, நோ பரானுபெக்கீ²; அபஞ்ஞாதோ ச ஹோதி, தேன ச அபஞ்ஞாதகேன நோ பரிதஸ்ஸதி; எத்தாவதாபி கோ², ஆனந்த³, பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி.
‘‘Siyā pana, bhante, aññopi pariyāyo yathā bhikkhu saṅghe viharanto phāsuṃ vihareyyā’’ti? ‘‘Siyā, ānanda! Yato kho, ānanda, bhikkhu attanā sīlasampanno hoti, no paraṃ adhisīle sampavattā; attānupekkhī ca hoti, no parānupekkhī; apaññāto ca hoti, tena ca apaññātakena no paritassati; ettāvatāpi kho, ānanda, bhikkhu saṅghe viharanto phāsuṃ vihareyyā’’ti.
‘‘ஸியா பன, ப⁴ந்தே, அஞ்ஞோபி பரியாயோ யதா² பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி? ‘‘ஸியா, ஆனந்த³! யதோ கோ², ஆனந்த³, பி⁴க்கு² அத்தனா ஸீலஸம்பன்னோ ஹோதி, நோ பரங் அதி⁴ஸீலே ஸம்பவத்தா; அத்தானுபெக்கீ² ச ஹோதி, நோ பரானுபெக்கீ²; அபஞ்ஞாதோ ச ஹோதி, தேன ச அபஞ்ஞாதகேன நோ பரிதஸ்ஸதி; சதுன்னஞ்ச 11 ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴; எத்தாவதாபி கோ², ஆனந்த³, பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி.
‘‘Siyā pana, bhante, aññopi pariyāyo yathā bhikkhu saṅghe viharanto phāsuṃ vihareyyā’’ti? ‘‘Siyā, ānanda! Yato kho, ānanda, bhikkhu attanā sīlasampanno hoti, no paraṃ adhisīle sampavattā; attānupekkhī ca hoti, no parānupekkhī; apaññāto ca hoti, tena ca apaññātakena no paritassati; catunnañca 12 jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; ettāvatāpi kho, ānanda, bhikkhu saṅghe viharanto phāsuṃ vihareyyā’’ti.
‘‘ஸியா பன, ப⁴ந்தே, அஞ்ஞோபி பரியாயோ யதா² பி⁴க்கு² ஸங்கே⁴ விஹரந்தோ பா²ஸுங் விஹரெய்யா’’தி? ‘‘ஸியா, ஆனந்த³! யதோ கோ², ஆனந்த³, பி⁴க்கு² அத்தனா ஸீலஸம்பன்னோ ஹோதி, நோ பரங் அதி⁴ஸீலே ஸம்பவத்தா; அத்தானுபெக்கீ² ச ஹோதி, நோ பரானுபெக்கீ²; அபஞ்ஞாதோ ச ஹோதி, தேன ச அபஞ்ஞாதகேன நோ பரிதஸ்ஸதி; சதுன்னஞ்ச ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴; ஆஸவானஞ்ச 13 க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி; எத்தாவதாபி கோ², ஆனந்த³, பி⁴க்கு² ஸங்கே⁴ விஹரந்தோ பா²ஸுங் விஹரெய்ய.
‘‘Siyā pana, bhante, aññopi pariyāyo yathā bhikkhu saṅghe viharanto phāsuṃ vihareyyā’’ti? ‘‘Siyā, ānanda! Yato kho, ānanda, bhikkhu attanā sīlasampanno hoti, no paraṃ adhisīle sampavattā; attānupekkhī ca hoti, no parānupekkhī; apaññāto ca hoti, tena ca apaññātakena no paritassati; catunnañca jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; āsavānañca 14 khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati; ettāvatāpi kho, ānanda, bhikkhu saṅghe viharanto phāsuṃ vihareyya.
‘‘இமம்ஹா சாஹங், ஆனந்த³, பா²ஸுவிஹாரா அஞ்ஞோ பா²ஸுவிஹாரோ உத்தரிதரோ வா பணீததரோ வா நத்தீ²தி வதா³மீ’’தி. ச²ட்ட²ங்.
‘‘Imamhā cāhaṃ, ānanda, phāsuvihārā añño phāsuvihāro uttaritaro vā paṇītataro vā natthīti vadāmī’’ti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. ஆனந்த³ஸுத்தவண்ணனா • 6. Ānandasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-10. ஆனந்த³ஸுத்தாதி³வண்ணனா • 6-10. Ānandasuttādivaṇṇanā
