| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. ஆனந்த³ஸுத்தவண்ணனா
5. Ānandasuttavaṇṇanā
225. அதிவேலந்தி அதிப³ஹுகாலங். பி⁴க்கு²னா நாம உபக³தானங் உபனிஸின்னகதா²மத்தங் வத்வா க³ந்த²து⁴ரேஹி வாஸது⁴ரேஹி வா யுத்தபயுத்தசித்தேன ப⁴விதப்³ப³ங், நாதிவேலங் தேஸங் ஸஞ்ஞத்திப³ஹுலேன. தே²ரோ பன ததா³ கேனசி காரணேன ப³ஹுவேலங் கி³ஹிஸஞ்ஞத்திப³ஹுலோ அஹோஸி, தங் ஸந்தா⁴ய வுத்தங் ‘‘அதிவேல’’ந்திஆதி³. இதா³னி தமத்த²ங் விபா⁴வேதுங் ‘‘ப⁴க³வதீ’’திஆதி³ வுத்தங். தந்தி தங் தாதி³ஸங் ஸஞ்ஞாபனங் ஸந்தா⁴ய ஏதங் ‘‘அதிவேலங் கி³ஹிஸஞ்ஞத்திப³ஹுலோ’’தி வசனங் வுத்தங். பி⁴க்கு²ஸங்க⁴ஸ்ஸ கத²ங் ஸுத்வாதி ஸங்க⁴ஸ்ஸ மஜ்ஜே² நிஸீதி³த்வா தே²ரேன கதி²தத்தா வுத்தங். ஸத்து²ஸாஸனந்தி பிடகத்தயங் வத³தி.
225.Ativelanti atibahukālaṃ. Bhikkhunā nāma upagatānaṃ upanisinnakathāmattaṃ vatvā ganthadhurehi vāsadhurehi vā yuttapayuttacittena bhavitabbaṃ, nātivelaṃ tesaṃ saññattibahulena. Thero pana tadā kenaci kāraṇena bahuvelaṃ gihisaññattibahulo ahosi, taṃ sandhāya vuttaṃ ‘‘ativela’’ntiādi. Idāni tamatthaṃ vibhāvetuṃ ‘‘bhagavatī’’tiādi vuttaṃ. Tanti taṃ tādisaṃ saññāpanaṃ sandhāya etaṃ ‘‘ativelaṃ gihisaññattibahulo’’ti vacanaṃ vuttaṃ. Bhikkhusaṅghassa kathaṃ sutvāti saṅghassa majjhe nisīditvā therena kathitattā vuttaṃ. Satthusāsananti piṭakattayaṃ vadati.
பஸக்கியாதி உபஸக்கித்வா க³ந்த்வா. தங் பன தத்த² அஜ்ஜோ²கா³ஹனங் ஹோதீதி ஆஹ ‘‘பவிஸித்வா’’தி. ஸங்கா²ரது³க்க²தோ நிப்³பி³ன்னஹத³யஸ்ஸ ஸப்³ப³ஸங்கா²ரவினிஸ்ஸடங் நிப்³பா³னங் யாதா²வதோ பச்சவெக்க²ந்தஸ்ஸ ஸம்மதே³வ ஸமஸ்ஸாஸகரங் ஹுத்வா உபட்ட²ஹந்தங் தங் உபரி அதி⁴க³மாய உஸ்ஸுக்கங் கரொந்தோ நிப்³பா³னங் ஹத³யே நிக்கி²பதி நாமாதி ஆஹ – ‘‘நிப்³பா³னங்…பே॰… ஓபேதி நாமா’’தி. நிப்³பா³னங்…பே॰… ஆரம்மணதோ ஓபேதி நாமாதி ஆனெத்வா ஸம்ப³ந்தோ⁴. அத்த²விரஹிதா ‘‘பி³ளிபி³ளீ’’தி பவத்தகிரியா பி³ளிகா, அயங் பன கி³ஹிஸஞ்ஞத்திகதா² தே²ரஸ்ஸ அத்தனோ ஸாமஞ்ஞத்த²அஸாத⁴னதோ தே³வதாய பி³ளிகா வியாதி பி³ளிபி³ளிகாதி வுத்தா.
Pasakkiyāti upasakkitvā gantvā. Taṃ pana tattha ajjhogāhanaṃ hotīti āha ‘‘pavisitvā’’ti. Saṅkhāradukkhato nibbinnahadayassa sabbasaṅkhāravinissaṭaṃ nibbānaṃ yāthāvato paccavekkhantassa sammadeva samassāsakaraṃ hutvā upaṭṭhahantaṃ taṃ upari adhigamāya ussukkaṃ karonto nibbānaṃ hadaye nikkhipati nāmāti āha – ‘‘nibbānaṃ…pe… opeti nāmā’’ti. Nibbānaṃ…pe… ārammaṇato opeti nāmāti ānetvā sambandho. Atthavirahitā ‘‘biḷibiḷī’’ti pavattakiriyā biḷikā, ayaṃ pana gihisaññattikathā therassa attano sāmaññatthaasādhanato devatāya biḷikā viyāti biḷibiḷikāti vuttā.
ஆனந்த³ஸுத்தவண்ணனா நிட்டி²தா.
Ānandasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஆனந்த³ஸுத்தங் • 5. Ānandasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. ஆனந்த³ஸுத்தவண்ணனா • 5. Ānandasuttavaṇṇanā
