| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૩. અનન્તરપચ્ચયકથાવણ્ણના
3. Anantarapaccayakathāvaṇṇanā
૬૯૩-૬૯૭. ઇદાનિ અનન્તરપચ્ચયકથા નામ હોતિ. તત્થ નચ્ચગીતાદીસુ રૂપદસ્સનસદ્દસવનાદીનં લહુપરિવત્તિતં દિસ્વા ‘‘ઇમાનિ વિઞ્ઞાણાનિ અઞ્ઞમઞ્ઞસ્સ અનન્તરા ઉપ્પજ્જન્તી’’તિ યેસં લદ્ધિ, સેય્યથાપિ ઉત્તરાપથકાનં; તે સન્ધાય ચક્ખુવિઞ્ઞાણસ્સાતિ પુચ્છા સકવાદિસ્સ, પટિઞ્ઞા ઇતરસ્સ. સોતવિઞ્ઞાણં રૂપારમ્મણંયેવાતિ યદિ ચક્ખુવિઞ્ઞાણસ્સ અનન્તરા ઉપ્પજ્જેય્ય, વિપાકમનોધાતુ વિય રૂપારમ્મણં સિયાતિ ચોદેતું વુત્તં. ચક્ખુઞ્ચ પટિચ્ચ રૂપે ચ ઉપ્પજ્જતિ સોતવિઞ્ઞાણન્તિ પઞ્હેસુ સુત્તાભાવેન પટિક્ખિપિત્વા અનન્તરુપ્પત્તિં સલ્લક્ખેન્તો લદ્ધિવસેન પટિજાનાતિ. તઞ્ઞેવ ચક્ખુવિઞ્ઞાણં તં સોતવિઞ્ઞાણન્તિ યથા પઠમજવનાનન્તરં દુતિયજવનં મનોવિઞ્ઞાણભાવેન તઞ્ઞેવ હોતિ, કિં તે તથા એતમ્પિ દ્વયં એકમેવાતિ પુચ્છતિ. ઇમિના નયેન સબ્બવારેસુ અત્થો વેદિતબ્બો. નચ્ચતિ ગાયતીતિઆદિવચનં આરમ્મણસમોધાને લહુપરિવત્તિતાય વોકિણ્ણભાવં દીપેતિ, ન અનન્તરપચ્ચયતં, તસ્મા અસાધકન્તિ.
693-697. Idāni anantarapaccayakathā nāma hoti. Tattha naccagītādīsu rūpadassanasaddasavanādīnaṃ lahuparivattitaṃ disvā ‘‘imāni viññāṇāni aññamaññassa anantarā uppajjantī’’ti yesaṃ laddhi, seyyathāpi uttarāpathakānaṃ; te sandhāya cakkhuviññāṇassāti pucchā sakavādissa, paṭiññā itarassa. Sotaviññāṇaṃ rūpārammaṇaṃyevāti yadi cakkhuviññāṇassa anantarā uppajjeyya, vipākamanodhātu viya rūpārammaṇaṃ siyāti codetuṃ vuttaṃ. Cakkhuñca paṭicca rūpe ca uppajjati sotaviññāṇanti pañhesu suttābhāvena paṭikkhipitvā anantaruppattiṃ sallakkhento laddhivasena paṭijānāti. Taññeva cakkhuviññāṇaṃtaṃ sotaviññāṇanti yathā paṭhamajavanānantaraṃ dutiyajavanaṃ manoviññāṇabhāvena taññeva hoti, kiṃ te tathā etampi dvayaṃ ekamevāti pucchati. Iminā nayena sabbavāresu attho veditabbo. Naccati gāyatītiādivacanaṃ ārammaṇasamodhāne lahuparivattitāya vokiṇṇabhāvaṃ dīpeti, na anantarapaccayataṃ, tasmā asādhakanti.
અનન્તરપચ્ચયકથાવણ્ણના.
Anantarapaccayakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૩૮) ૩. અનન્તરપચ્ચયકથા • (138) 3. Anantarapaccayakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૩. અનન્તરપચ્ચયકથાવણ્ણના • 3. Anantarapaccayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૩. અનન્તરપચ્ચયકથાવણ્ણના • 3. Anantarapaccayakathāvaṇṇanā
