| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
અનાપત્તિભેદવણ્ણના
Anāpattibhedavaṇṇanā
૧૩૧. તસ્મિંયેવ અત્તભાવે નિબ્બત્તાતિ તસ્મિંયેવ મતસરીરે પેતત્તભાવેન નિબ્બત્તા. રુક્ખાદીસુ લગ્ગિતસાટકે વત્તબ્બમેવ નત્થીતિ મનુસ્સેહિ અગોપિતં સન્ધાય વુત્તં, સચે પનેતં દેવાલયચેતિયરુક્ખાદીસુ નિયુત્તેહિ પુરિસેહિ રક્ખિતગોપિતં હોતિ, ગહેતું ન વટ્ટતિ. થોકે ખાયિતે…પે॰… ગહેતું વટ્ટતીતિ ઇદં અદિન્નાદાનાભાવં સન્ધાય વુત્તં. જિઘચ્છિતપાણિના ખાદિયમાનમંસસ્સ અચ્છિન્દિત્વા ખાદનં નામ કારુઞ્ઞહાનિતો લોલભાવતો ચ અસારુપ્પમેવ. તેનેવ હિ અરિયવંસિકા અત્તનો પત્તે ભત્તં ખાદન્તમ્પિ સુનખાદિં તજ્જેત્વા ન વારેન્તિ, તિરચ્છાનાનં આમિસદાને કુસલં વિય તેસં આમિસસ્સ અચ્છિન્દનેપિ અકુસલમેવાતિ ગહેતબ્બં, તેનેવ વક્ખતિ ‘‘પરાનુદ્દયતાય ચ ન ગહેતબ્બ’’ન્તિ (પારા॰ અટ્ઠ॰ ૧.૧૪૦).
131.Tasmiṃyevaattabhāve nibbattāti tasmiṃyeva matasarīre petattabhāvena nibbattā. Rukkhādīsu laggitasāṭake vattabbameva natthīti manussehi agopitaṃ sandhāya vuttaṃ, sace panetaṃ devālayacetiyarukkhādīsu niyuttehi purisehi rakkhitagopitaṃ hoti, gahetuṃ na vaṭṭati. Thoke khāyite…pe… gahetuṃ vaṭṭatīti idaṃ adinnādānābhāvaṃ sandhāya vuttaṃ. Jighacchitapāṇinā khādiyamānamaṃsassa acchinditvā khādanaṃ nāma kāruññahānito lolabhāvato ca asāruppameva. Teneva hi ariyavaṃsikā attano patte bhattaṃ khādantampi sunakhādiṃ tajjetvā na vārenti, tiracchānānaṃ āmisadāne kusalaṃ viya tesaṃ āmisassa acchindanepi akusalamevāti gahetabbaṃ, teneva vakkhati ‘‘parānuddayatāya ca na gahetabba’’nti (pārā. aṭṭha. 1.140).
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. દુતિયપારાજિકં • 2. Dutiyapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. દુતિયપારાજિકં • 2. Dutiyapārājikaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અનાપત્તિભેદવણ્ણના • Anāpattibhedavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અનાપત્તિભેદવણ્ણના • Anāpattibhedavaṇṇanā
