| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. அனத்தலக்க²ணஸுத்தவண்ணனா
7. Anattalakkhaṇasuttavaṇṇanā
59. புராணுபட்டா²கேதி புப்³பே³ பதா⁴னபத³ஹனகாலே உபட்டா²கபூ⁴தே. ‘‘அவஸவத்தனட்டே²ன அஸ்ஸாமிகட்டே²ன ஸுஞ்ஞதட்டே²ன அத்தபடிக்கே²பட்டே²னா’’தி ஏவங் புப்³பே³ வுத்தேஹி. எத்தகேன டா²னேனாதி ‘‘ரூபங், பி⁴க்க²வே, அனத்தா’’தி ஆரபி⁴த்வா யாவ ‘‘ஏவங் மே விஞ்ஞாணங் மா அஹோஸீ’’தி எத்தகேன ஸுத்தபதே³ஸேன. அகதி²தஸ்ஸேவ கத²னங் உத்தரங், ந கதி²தஸ்ஸாதி வுத்தங் ‘‘தானி த³ஸ்ஸெத்வா’’தி. ஸமோதா⁴னெத்வாதி ஸம்பிண்டி³த்வா. வித்தா²ரகதா²தி வித்தா²ரதோ அட்ட²கதா². அனத்தலக்க²ணமேவாதி தப்³ப³ஹுலதாய தப்பதா⁴னதாய ச வுத்தங். அனிச்சதாதீ³னம்பி ஹி தத்த² தங்தீ³பனத்த²மேவ வுத்தத்தா ததே³வ ஜெட்ட²ங் பதா⁴னங் ததா² வேனெய்யஜ்ஜா²ஸயதோ.
59.Purāṇupaṭṭhāketi pubbe padhānapadahanakāle upaṭṭhākabhūte. ‘‘Avasavattanaṭṭhena assāmikaṭṭhena suññataṭṭhena attapaṭikkhepaṭṭhenā’’ti evaṃ pubbe vuttehi. Ettakena ṭhānenāti ‘‘rūpaṃ, bhikkhave, anattā’’ti ārabhitvā yāva ‘‘evaṃ me viññāṇaṃ mā ahosī’’ti ettakena suttapadesena. Akathitasseva kathanaṃ uttaraṃ, na kathitassāti vuttaṃ ‘‘tāni dassetvā’’ti. Samodhānetvāti sampiṇḍitvā. Vitthārakathāti vitthārato aṭṭhakathā. Anattalakkhaṇamevāti tabbahulatāya tappadhānatāya ca vuttaṃ. Aniccatādīnampi hi tattha taṃdīpanatthameva vuttattā tadeva jeṭṭhaṃ padhānaṃ tathā veneyyajjhāsayato.
அனத்தலக்க²ணஸுத்தவண்ணனா நிட்டி²தா.
Anattalakkhaṇasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அனத்தலக்க²ணஸுத்தங் • 7. Anattalakkhaṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. அனத்தலக்க²ணஸுத்தவண்ணனா • 7. Anattalakkhaṇasuttavaṇṇanā
