Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. அனவத்தி²தஸுத்தங்
7. Anavatthitasuttaṃ
102. ‘‘ச² , பி⁴க்க²வே, ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா அனிச்சஸஞ்ஞங் உபட்டா²பேதுங். கதமே ச²? ‘ஸப்³ப³ஸங்கா²ரா ச மே அனவத்தி²தா 1 கா²யிஸ்ஸந்தி, ஸப்³ப³லோகே ச மே மனோ நாபி⁴ரமிஸ்ஸதி 2, ஸப்³ப³லோகா ச மே மனோ வுட்ட²ஹிஸ்ஸதி, நிப்³பா³னபோணஞ்ச மே மானஸங் ப⁴விஸ்ஸதி, ஸங்யோஜனா ச மே பஹானங் க³ச்சி²ஸ்ஸந்தி 3, பரமேன ச ஸாமஞ்ஞேன ஸமன்னாக³தோ ப⁴விஸ்ஸாமீ’தி. இமே கோ², பி⁴க்க²வே, ச² ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா அனிச்சஸஞ்ஞங் உபட்டா²பேது’’ந்தி. ஸத்தமங்.
102. ‘‘Cha , bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetuṃ. Katame cha? ‘Sabbasaṅkhārā ca me anavatthitā 4 khāyissanti, sabbaloke ca me mano nābhiramissati 5, sabbalokā ca me mano vuṭṭhahissati, nibbānapoṇañca me mānasaṃ bhavissati, saṃyojanā ca me pahānaṃ gacchissanti 6, paramena ca sāmaññena samannāgato bhavissāmī’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā aniccasaññaṃ upaṭṭhāpetu’’nti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. அனவத்தி²தஸுத்தவண்ணனா • 7. Anavatthitasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-11. பாதுபா⁴வஸுத்தாதி³வண்ணனா • 1-11. Pātubhāvasuttādivaṇṇanā