| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. அந்த⁴கவிந்த³ஸுத்தவண்ணனா
3. Andhakavindasuttavaṇṇanā
184. ஜனதந்தி ஜனானங் ஸமூஹங், ஜனஸஞ்சரணட்டா²னந்தி அத்தோ². மனுஸ்ஸானங் அனுபசாரேதி யத்தகே கஸனாதி³கிச்சங் கரொந்தானங் ஸஞ்சாரோ ஹோதி, எத்தகங் அதிக்கமித்வா அனுபசாரே. ஸங்யோஜனவிப்பமொக்கா²தி ஸங்யோஜனவிமொக்க²ஹேது. விவேகரதிங் பவிவேகஸுக²ஜ்ஜா²னங் அலப⁴ந்தோ. சித்தானுரக்க²ணத்த²ந்தி புப்³பே³ மங் மனுஸ்ஸா ‘‘அரஞ்ஞவாஸேன பவிவித்தோ அஸங்ஸட்டோ² ஆரத்³த⁴வீரியோ’’தி மஞ்ஞிங்ஸு, இதா³னி கா³மந்தே வஸந்தங் தி³ஸ்வா க³ணஸங்க³ணிகாய நிவுட்டோ²தி அப்பஸாத³ங் ஆபஜ்ஜிஸ்ஸந்தி. யதி³பி மே இத⁴ அபி⁴ரதி நத்தி², ஏவங் ஸந்தேபி இதே⁴வ வஸிஸ்ஸாமீதி விக்கி²த்தசித்தேன ஹுத்வா ந வஸிதப்³ப³ங், கோ அத்தோ² சித்தவஸங் க³ந்த்வாதி அதி⁴ப்பாயோ. ஸதிபட்டா²னபராயணோதி ஸதிபட்டா²னபா⁴வனாரதோ. ஏவங் ஹிஸ்ஸ க³ணவாஸோபி பாஸங்ஸோ விவேகவாஸேன வினா ஸமணகிச்சஸ்ஸ அஸிஜ்ஜ²னதோ.
184.Janatanti janānaṃ samūhaṃ, janasañcaraṇaṭṭhānanti attho. Manussānaṃ anupacāreti yattake kasanādikiccaṃ karontānaṃ sañcāro hoti, ettakaṃ atikkamitvā anupacāre. Saṃyojanavippamokkhāti saṃyojanavimokkhahetu. Vivekaratiṃ pavivekasukhajjhānaṃ alabhanto. Cittānurakkhaṇatthanti pubbe maṃ manussā ‘‘araññavāsena pavivitto asaṃsaṭṭho āraddhavīriyo’’ti maññiṃsu, idāni gāmante vasantaṃ disvā gaṇasaṅgaṇikāya nivuṭṭhoti appasādaṃ āpajjissanti. Yadipi me idha abhirati natthi, evaṃ santepi idheva vasissāmīti vikkhittacittena hutvā na vasitabbaṃ, ko attho cittavasaṃ gantvāti adhippāyo. Satipaṭṭhānaparāyaṇoti satipaṭṭhānabhāvanārato. Evaṃ hissa gaṇavāsopi pāsaṃso vivekavāsena vinā samaṇakiccassa asijjhanato.
வட்டப⁴யதோ பமுத்தோ அஜ்ஜா²ஸயவஸேனாதி அதி⁴ப்பாயோ.
Vaṭṭabhayato pamutto ajjhāsayavasenāti adhippāyo.
நிஸீதி³ தத்த² பி⁴க்கூ²தி இமினா ஸத்தூபலத்³தி⁴யா அனிஸ்ஸிதத்தா யதா²ருசியா தேஸங் நிஸஜ்ஜங் த³ஸ்ஸேதி. தேனாஹ ‘‘இமினா’’திஆதி³.
Nisīdi tattha bhikkhūti iminā sattūpaladdhiyā anissitattā yathāruciyā tesaṃ nisajjaṃ dasseti. Tenāha ‘‘iminā’’tiādi.
இமினா ச இமினா ச ஆகாரேன ஜாதந்தி ந அனுஸ்ஸவத³ஸ்ஸனமேதங், ந அனுஸ்ஸவக்³க³ஹணங். தக்கஹேது நயஹேது வா ந வதா³மீதி யோஜனா. பிடகங் க³ந்தோ² ஸம்பதீ³யதி ஏதஸ்ஸாதி பிடகஸம்பதா³னங், க³ந்த²ஸ்ஸ உக்³க³ண்ஹனதோ தேன பிடகஸ்ஸ உக்³க³ண்ஹனகபா⁴வேன, கேனசி க³ந்தா²னுஸாரேன ஏவங் ந வதா³மீதி அத்தோ². ப்³ரஹ்மஸ்ஸ ஸெட்ட²ஸ்ஸ த⁴ம்மஸ்ஸ சரியங் வாசஸிகங் பவத்ததீதி ப்³ரஹ்மசரியங், த⁴ம்மதே³ஸனா. பா⁴விதேன மரணஸ்ஸ ஸப்³ப³ஸோ பா⁴கே³ன விப்பஹானேன மரணபரிச்சாகீ³னங். தே ச கீ²ணஜாதிகாதி ஆஹ ‘‘கீ²ணாஸவான’’ந்தி.
Iminā ca iminā ca ākārena jātanti na anussavadassanametaṃ, na anussavaggahaṇaṃ. Takkahetu nayahetu vā na vadāmīti yojanā. Piṭakaṃ gantho sampadīyati etassāti piṭakasampadānaṃ, ganthassa uggaṇhanato tena piṭakassa uggaṇhanakabhāvena, kenaci ganthānusārena evaṃ na vadāmīti attho. Brahmassa seṭṭhassa dhammassa cariyaṃ vācasikaṃ pavattatīti brahmacariyaṃ, dhammadesanā. Bhāvitena maraṇassa sabbaso bhāgena vippahānena maraṇapariccāgīnaṃ. Te ca khīṇajātikāti āha ‘‘khīṇāsavāna’’nti.
த³ஸதா⁴ த³ஸாதி த³ஸக்க²த்துங் த³ஸ. அஞ்ஞந்தி பஞ்சஸதாதி⁴கஸஹஸ்ஸதோ அஞ்ஞங். புஞ்ஞபா⁴கி³னோதி விவட்டனிஸ்ஸிதபுஞ்ஞஸ்ஸ பா⁴கி³னோ தஸ்ஸா தே³ஸனாய எத்தகா ஸத்தா ஜாதாதி க³ணேதுங் அஹங் ந ஸக்கோமீதி த³ஸ்ஸேதி. ப்³ரஹ்மத⁴ம்மதே³ஸனந்தி ப்³ரஹ்முனா வுத்தங் ஆஹ.
Dasadhādasāti dasakkhattuṃ dasa. Aññanti pañcasatādhikasahassato aññaṃ. Puññabhāginoti vivaṭṭanissitapuññassa bhāgino tassā desanāya ettakā sattā jātāti gaṇetuṃ ahaṃ na sakkomīti dasseti. Brahmadhammadesananti brahmunā vuttaṃ āha.
அந்த⁴கவிந்த³ஸுத்தவண்ணனா நிட்டி²தா.
Andhakavindasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. அந்த⁴கவிந்த³ஸுத்தங் • 3. Andhakavindasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அந்த⁴கவிந்த³ஸுத்தவண்ணனா • 3. Andhakavindasuttavaṇṇanā
