| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. அனிச்சஸுத்தவண்ணனா
3. Aniccasuttavaṇṇanā
45. விராகோ³ நாம மக்³கோ³, விமுத்திப²லந்தி ஆஹ – ‘‘மக்³க³க்க²ணே விரஜ்ஜதி, ப²லக்க²ணே விமுச்சதீ’’தி. அக்³க³ஹெத்வாதி ஏவங் நிருஜ்ஜ²மானேஹி ஆஸவேஹி ‘‘அஹங் மமா’’தி கஞ்சி த⁴ம்மங் அனாதி³யித்வா. ‘‘சித்தங் விரத்தங், விமுத்தங் ஹோதீ’’தி வுத்தத்தா ப²லங் க³ய்ஹதி, ‘‘கீ²ணா ஜாதீ’’திஆதி³னா பச்சவெக்க²ணாதி ஆஹ ‘‘ஸஹ ப²லேன பச்சவெக்க²ணத³ஸ்ஸனத்த²’’ந்தி. உபரி கத்தப்³ப³கிச்சாபா⁴வேன டி²தங். தேனாஹ ‘‘விமுத்தத்தா டி²த’’ந்தி. யங் பத்தப்³ப³ங், தங் அக்³க³ப²லஸ்ஸ பத்தபா⁴வேன அதி⁴க³தத்தா ஸந்துட்ட²ங் பரிதுட்ட²ங்.
45. Virāgo nāma maggo, vimuttiphalanti āha – ‘‘maggakkhaṇe virajjati, phalakkhaṇe vimuccatī’’ti. Aggahetvāti evaṃ nirujjhamānehi āsavehi ‘‘ahaṃ mamā’’ti kañci dhammaṃ anādiyitvā. ‘‘Cittaṃ virattaṃ, vimuttaṃ hotī’’ti vuttattā phalaṃ gayhati, ‘‘khīṇā jātī’’tiādinā paccavekkhaṇāti āha ‘‘saha phalena paccavekkhaṇadassanattha’’nti. Upari kattabbakiccābhāvena ṭhitaṃ. Tenāha ‘‘vimuttattā ṭhita’’nti. Yaṃ pattabbaṃ, taṃ aggaphalassa pattabhāvena adhigatattā santuṭṭhaṃ parituṭṭhaṃ.
அனிச்சஸுத்தவண்ணனா நிட்டி²தா.
Aniccasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. அனிச்சஸுத்தங் • 3. Aniccasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அனிச்சஸுத்தவண்ணனா • 3. Aniccasuttavaṇṇanā
