| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧૦. અનિચ્ચતાકથાવણ્ણના
10. Aniccatākathāvaṇṇanā
૬૨૮. રૂપાદીનં અનિચ્ચતા રૂપાદિકે સતિ હોતિ, અસતિ ન હોતીતિ ઇમિના પરિયાયેન તસ્સા તેહિ સહ ઉપ્પાદનિરોધો વુત્તો, ઉપ્પાદાદીસુ તીસુ લક્ખણેસુ અનિચ્ચતાવોહારો હોતીતિ યથા તયો દણ્ડે ઉપાદાય પવત્તો તિદણ્ડવોહારો તેસુ સબ્બેસુ હોતિ, એવં જાતિજરામરણધમ્મો ન નિચ્ચો અનિચ્ચો, તસ્સ જાતિઆદિપકતિતા અનિચ્ચતાસદ્દેન વુચ્ચતીતિ ઉપ્પાદાદીસુ લક્ખણેસુ અનિચ્ચતાવોહારો સમ્ભવતીતિ વુત્તં ‘‘તીસુ…પે॰… હોતી’’તિ. વિભાગાનુયુઞ્જનવસેનાતિ પભેદાનુયુઞ્જનવસેન. તત્થ યથા જરાભઙ્ગવસેન અનિચ્ચતા પાકટા હોતિ, ન તથા જાતિવસેનાતિ પાળિયં જરામરણવસેનેવ અનિચ્ચતાવિભાગો દસ્સિતોતિ દટ્ઠબ્બં.
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
અનિચ્ચતાકથાવણ્ણના નિટ્ઠિતા.
Aniccatākathāvaṇṇanā niṭṭhitā.
એકાદસમવગ્ગવણ્ણના નિટ્ઠિતા.
Ekādasamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૧૫) ૧૦. અનિચ્ચતાકથા • (115) 10. Aniccatākathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. અનિચ્ચતાકથાવણ્ણના • 10. Aniccatākathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૦. અનિચ્ચતાકથાવણ્ણના • 10. Aniccatākathāvaṇṇanā
