| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
9. அனிமித்தபஞ்ஹஸுத்தவண்ணனா
9. Animittapañhasuttavaṇṇanā
340. விபஸ்ஸனாஸமாதி⁴ங்யேவ, ந ப²லஸமாதி⁴ங். சே²ஜ்ஜகிச்சங் ந நிப்ப²ஜ்ஜதி அவிச்சே²த³வஸேன அப்பவத்தனதோ. நிகந்தீதி விபஸ்ஸனங் அஸ்ஸாதெ³ந்தீ பவத்ததண்ஹா. ஸாதே⁴துங் நாஸக்கி² உபக்கிலிட்ட²த்தா. நிமித்தானுஸாரீதி நிச்சஸுக²அத்தனிமித்தானங் அபூரணதோ ராக³தோ³ஸமோஹனிமித்தானிபெத்த² நிமித்தானேவ. வுட்டா²ன…பே॰… ஸமாதி⁴ந்தி ஏதேன யாவ மக்³கோ³ நாதி⁴க³தோ, தாவ வுட்டா²னகா³மினிவிபஸ்ஸனமனுயுஞ்ஜந்தோபி யதா²ரஹங் அனிமித்தங் அப்பணிஹிதங் ஸுஞ்ஞதங் சேதோஸமாதி⁴ங் அனுயுத்தோ விஹரதீதி வத்தப்³ப³தங் அரஹதீதி த³ஸ்ஸேதி. விபஸ்ஸனாஸம்பயுத்தந்தி விபஸ்ஸனாஸங்கா²தஞாணஸம்பயுத்தங். சேதோஸமாதி⁴ந்தி சித்தஸீஸேன விபஸ்ஸனாஸமாதி⁴மாஹ. உபரிமக்³க³ப²லஸமாதி⁴ந்தி பட²மமக்³க³ஸமாதி⁴ஸ்ஸ பகே³வ அதி⁴க³தத்தா.
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
அனிமித்தபஞ்ஹஸுத்தவண்ணனா நிட்டி²தா.
Animittapañhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. அனிமித்தபஞ்ஹாஸுத்தங் • 9. Animittapañhāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. அனிமித்தபஞ்ஹாஸுத்தவண்ணனா • 9. Animittapañhāsuttavaṇṇanā
