| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૯. નવમવગ્ગો
9. Navamavaggo
(૮૪) ૧. આનિસંસદસ્સાવીકથા
(84) 1. Ānisaṃsadassāvīkathā
૫૪૭. આનિસંસદસ્સાવિસ્સ સંયોજનાનં પહાનન્તિ? આમન્તા. નનુ સઙ્ખારે અનિચ્ચતો મનસિકરોતો સંયોજના પહીયન્તીતિ? આમન્તા. હઞ્ચિ સઙ્ખારે અનિચ્ચતો મનસિકરોતો સંયોજના પહીયન્તિ, નો ચ વત રે વત્તબ્બે – ‘‘આનિસંસદસ્સાવિસ્સ સંયોજનાનં પહાન’’ન્તિ.
547. Ānisaṃsadassāvissa saṃyojanānaṃ pahānanti? Āmantā. Nanu saṅkhāre aniccato manasikaroto saṃyojanā pahīyantīti? Āmantā. Hañci saṅkhāre aniccato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
નનુ સઙ્ખારે દુક્ખતો…પે॰… રોગતો… ગણ્ડતો… સલ્લતો… અઘતો… આબાધતો… પરતો… પલોકતો… ઈતિતો… ઉપદ્દવતો… ભયતો… ઉપસગ્ગતો… ચલતો… પભઙ્ગુતો… અદ્ધુવતો… અતાણતો… અલેણતો… અસરણતો… અસરણીભૂતતો… રિત્તતો… તુચ્છતો… સુઞ્ઞતો… અનત્તતો… આદીનવતો…પે॰… વિપરિણામધમ્મતો મનસિકરોતો સંયોજના પહીયન્તીતિ? આમન્તા. હઞ્ચિ સઙ્ખારે વિપરિણામધમ્મતો મનસિકરોતો સંયોજના પહીયન્તિ, નો ચ વત રે વત્તબ્બે – ‘‘આનિસંસદસ્સાવિસ્સ સંયોજનાનં પહાન’’ન્તિ.
Nanu saṅkhāre dukkhato…pe… rogato… gaṇḍato… sallato… aghato… ābādhato… parato… palokato… ītito… upaddavato… bhayato… upasaggato… calato… pabhaṅguto… addhuvato… atāṇato… aleṇato… asaraṇato… asaraṇībhūtato… rittato… tucchato… suññato… anattato… ādīnavato…pe… vipariṇāmadhammato manasikaroto saṃyojanā pahīyantīti? Āmantā. Hañci saṅkhāre vipariṇāmadhammato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
સઙ્ખારે ચ અનિચ્ચતો મનસિ કરોતિ નિબ્બાને ચ આનિસંસદસ્સાવી હોતીતિ? ન હેવં વત્તબ્બે…પે॰… સઙ્ખારે ચ અનિચ્ચતો મનસિ કરોતિ નિબ્બાને ચ આનિસંસદસ્સાવી હોતીતિ? આમન્તા. દ્વિન્નં ફસ્સાનં…પે॰… દ્વિન્નં ચિત્તાનં સમોધાનં હોતીતિ? ન હેવં વત્તબ્બે…પે॰… સઙ્ખારે ચ દુક્ખતો…પે॰… વિપરિણામધમ્મતો મનસિ કરોતિ નિબ્બાને ચ આનિસંસદસ્સાવી હોતીતિ? ન હેવં વત્તબ્બે…પે॰… સઙ્ખારે ચ વિપરિણામધમ્મતો મનસિ કરોતિ નિબ્બાને ચ આનિસંસદસ્સાવી હોતીતિ? આમન્તા . દ્વિન્નં ફસ્સાનં…પે॰… દ્વિન્નં ચિત્તાનં સમોધાનં હોતીતિ? ન હેવં વત્તબ્બે…પે॰….
Saṅkhāre ca aniccato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca aniccato manasi karoti nibbāne ca ānisaṃsadassāvī hotīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… saṅkhāre ca dukkhato…pe… vipariṇāmadhammato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca vipariṇāmadhammato manasi karoti nibbāne ca ānisaṃsadassāvī hotīti? Āmantā . Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
૫૪૮. ન વત્તબ્બં – ‘‘આનિસંસદસ્સાવિસ્સ સંયોજનાનં પહાન’’ન્તિ? આમન્તા. નનુ વુત્તં ભગવતા – ‘‘ઇધ, ભિક્ખવે, ભિક્ખુ નિબ્બાને સુખાનુપસ્સી વિહરતિ સુખસઞ્ઞી સુખપટિસંવેદી, સતતં સમિતં અબ્બોકિણ્ણં ચેતસા અધિમુચ્ચમાનો પઞ્ઞાય પરિયોગાહમાનો’’તિ 1! અત્થેવ સુત્તન્તોતિ? આમન્તા. તેન હિ આનિસંસદસ્સાવિસ્સ સંયોજનાનં પહાનન્તિ.
548. Na vattabbaṃ – ‘‘ānisaṃsadassāvissa saṃyojanānaṃ pahāna’’nti? Āmantā. Nanu vuttaṃ bhagavatā – ‘‘idha, bhikkhave, bhikkhu nibbāne sukhānupassī viharati sukhasaññī sukhapaṭisaṃvedī, satataṃ samitaṃ abbokiṇṇaṃ cetasā adhimuccamāno paññāya pariyogāhamāno’’ti 2! Attheva suttantoti? Āmantā. Tena hi ānisaṃsadassāvissa saṃyojanānaṃ pahānanti.
આનિસંસદસ્સાવીકથા નિટ્ઠિતા.
Ānisaṃsadassāvīkathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧. આનિસંસદસ્સાવીકથાવણ્ણના • 1. Ānisaṃsadassāvīkathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧. આનિસંસદસ્સાવીકથાવણ્ણના • 1. Ānisaṃsadassāvīkathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧. આનિસંસદસ્સાવીકથાવણ્ણના • 1. Ānisaṃsadassāvīkathāvaṇṇanā
