| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. ஆணிஸுத்தவண்ணனா
7. Āṇisuttavaṇṇanā
229. அஞ்ஞே ராஜானோ ச பா⁴க³ங் க³ண்ஹந்தா இமே விய த³ஸபா⁴க³ங் க³ண்ஹந்தீதி தேஸமயங் அனுக³தி பஞ்ஞாயதி. மஹாஜனஸ்ஸ ஆனயனதோ ஆனகோதி ஆஹ ‘‘ஏவங்லத்³த⁴னாமோ’’தி. இதா³னி தங் ஆதி³தோ பட்டா²ய ஆக³மனானுக்கமங் த³ஸ்ஸேதுங் ‘‘ஹிமவந்தே கிரா’’திஆதி³மாஹ. கரேணுந்தி கரேணுகங், ஹத்தி²னிந்தி அத்தோ². ஸக்கரிங்ஸூதி அனத்த²பரிஹரணவஸேன பஸத்தூ²பஹாரவஸேன ச பூஜேஸுங். ஓதரீதி குளீரத³ஹங் பாவிஸி. படிக்கமித்வா ட²பனவஸேன அபக்கமித்வா பதி.
229. Aññe rājāno ca bhāgaṃ gaṇhantā ime viya dasabhāgaṃ gaṇhantīti tesamayaṃ anugati paññāyati. Mahājanassa ānayanato ānakoti āha ‘‘evaṃladdhanāmo’’ti. Idāni taṃ ādito paṭṭhāya āgamanānukkamaṃ dassetuṃ ‘‘himavante kirā’’tiādimāha. Kareṇunti kareṇukaṃ, hatthininti attho. Sakkariṃsūti anatthapariharaṇavasena pasatthūpahāravasena ca pūjesuṃ. Otarīti kuḷīradahaṃ pāvisi. Paṭikkamitvā ṭhapanavasena apakkamitvā pati.
ஸுவண்ணரஜதாதி³மயந்தி கிஸ்மிஞ்சி சி²த்³தே³ ஸுவண்ணமயங், கிஸ்மிஞ்சி ரஜதமயங், கிஸ்மிஞ்சி ப²லிகமயங் ஆணிங் க⁴டயிங்ஸு ப³ந்தி⁴ங்ஸு. புப்³பே³ ப²ரித்வா திட்ட²ந்தஸ்ஸ த்³வாத³ஸ யோஜனானி பமாணோ ஏதஸ்ஸாதி த்³வாத³ஸயோஜனப்பமாணோ, ஸத்³தோ³. அத²ஸ்ஸ அனேகஸதகாலே க³ச்ச²ந்தே அந்தோஸாலாயம்பி து³க்கே²ன ஸுய்யித்த² ஆணிஸங்கா⁴டமத்தத்தா.
Suvaṇṇarajatādimayanti kismiñci chidde suvaṇṇamayaṃ, kismiñci rajatamayaṃ, kismiñci phalikamayaṃ āṇiṃ ghaṭayiṃsu bandhiṃsu. Pubbe pharitvā tiṭṭhantassa dvādasa yojanāni pamāṇo etassāti dvādasayojanappamāṇo, saddo. Athassa anekasatakāle gacchante antosālāyampi dukkhena suyyittha āṇisaṅghāṭamattattā.
க³ம்பீ⁴ராதி அகா³தா⁴ து³க்கோ²கா³ள்ஹா. ஸல்லஸுத்தஞ்ஹி ‘‘அனிமித்தமனஞ்ஞாத’’ந்திஆதி³னா பாளிவஸேன க³ம்பீ⁴ரங், ந அத்த²க³ம்பீ⁴ரங். ததா² ஹி தத்த² தா தா கா³தா² து³விஞ்ஞெய்யரூபா திட்ட²ந்தி, து³விஞ்ஞெய்யங் ஞாணேன து³க்கோ²கா³ஹந்தி கத்வா ‘‘க³ம்பீ⁴ர’’ந்தி வுச்சதி. புப்³பா³பரம்பெத்த² காஸஞ்சி கா³தா²னங் து³விஞ்ஞெய்யதாய து³க்கோ²கா³ஹமேவ, தஸ்மா தங் பாளிவஸேன ‘‘க³ம்பீ⁴ர’’ந்தி வுத்தங் ‘‘பாளிவஸேன க³ம்பீ⁴ரா ஸல்லஸுத்தஸதி³ஸா’’தி. இமினா நயேன ‘‘அத்த²வஸேன க³ம்பீ⁴ரா’’தி எத்த² அத்தோ² வேதி³தப்³போ³. மஹாவேத³ல்லஸுத்தஸ்ஸ அத்த²வஸேன க³ம்பீ⁴ரதா பாகடாயேவ. லோகங் உத்தரதீதி லோகுத்தரோ, நவவித⁴அப்பமாணத⁴ம்மோ, ஸோ அத்த²பூ⁴தோ ஏதேஸங் அத்தீ²தி லோகுத்தரா. தேனாஹ ‘‘லோகுத்தரஅத்த²தீ³பகா’’தி. ஸத்தஸுஞ்ஞதத⁴ம்மமத்தமேவாதி ஸத்தேன அத்தனா ஸுஞ்ஞதங் கேவலங் த⁴ம்மமத்தமேவ. உக்³க³ஹேதப்³ப³ங் பரியாபுணிதப்³ப³ந்தி ச லிங்க³வசனவிபல்லாஸேன வுத்தந்தி ஆஹ ‘‘உக்³க³ஹேதப்³பே³ ச பரியாபுணிதப்³பே³ சா’’தி. கவிதாதி கவினோ கம்மங் கவிகதா. யஸ்ஸ பன யங் கம்மங், தங் தேன கதந்தி வுச்சதீதி ஆஹ ‘‘கவிதாதி கவீஹி கதா’’தி. இதரங் ‘‘காவெய்யா’’தி பத³ங், கப்³ப³ந்தி வுத்தங் ஹோதி. ‘‘கப்³ப³’’ந்தி ச கவினா வுத்தந்தி அத்தோ². தேனாஹ ‘‘தஸ்ஸேவ வேவசன’’ந்தி. சித்தக்க²ராதி விசித்ராகாரஅக்க²ரா. ஸாஸனதோ ப³ஹிபூ⁴தாதி ந ஸாஸனாவசரா. தேஸங் ஸாவகேஹீதி ‘‘பு³த்³தா⁴னங் ஸாவகா’’தி அபஞ்ஞாதானங் யேஸங் கேஸஞ்சி ஸாவகேஹி. அனுக்³க³ய்ஹமானாதி ந உக்³க³ய்ஹமானா ஸவனதா⁴ரணபரிசயஅத்தூ²பபரிக்கா²தி³வஸேன அனுக்³க³ய்ஹமானா. அந்தரதா⁴யந்தி அத³ஸ்ஸனங் க³ச்ச²ந்தி.
Gambhīrāti agādhā dukkhogāḷhā. Sallasuttañhi ‘‘animittamanaññāta’’ntiādinā pāḷivasena gambhīraṃ, na atthagambhīraṃ. Tathā hi tattha tā tā gāthā duviññeyyarūpā tiṭṭhanti, duviññeyyaṃ ñāṇena dukkhogāhanti katvā ‘‘gambhīra’’nti vuccati. Pubbāparampettha kāsañci gāthānaṃ duviññeyyatāya dukkhogāhameva, tasmā taṃ pāḷivasena ‘‘gambhīra’’nti vuttaṃ ‘‘pāḷivasena gambhīrā sallasuttasadisā’’ti. Iminā nayena ‘‘atthavasena gambhīrā’’ti ettha attho veditabbo. Mahāvedallasuttassa atthavasena gambhīratā pākaṭāyeva. Lokaṃ uttaratīti lokuttaro, navavidhaappamāṇadhammo, so atthabhūto etesaṃ atthīti lokuttarā. Tenāha ‘‘lokuttaraatthadīpakā’’ti. Sattasuññatadhammamattamevāti sattena attanā suññataṃ kevalaṃ dhammamattameva. Uggahetabbaṃ pariyāpuṇitabbanti ca liṅgavacanavipallāsena vuttanti āha ‘‘uggahetabbe ca pariyāpuṇitabbe cā’’ti. Kavitāti kavino kammaṃ kavikatā. Yassa pana yaṃ kammaṃ, taṃ tena katanti vuccatīti āha ‘‘kavitāti kavīhi katā’’ti. Itaraṃ ‘‘kāveyyā’’ti padaṃ, kabbanti vuttaṃ hoti. ‘‘Kabba’’nti ca kavinā vuttanti attho. Tenāha ‘‘tasseva vevacana’’nti. Cittakkharāti vicitrākāraakkharā. Sāsanato bahibhūtāti na sāsanāvacarā. Tesaṃ sāvakehīti ‘‘buddhānaṃ sāvakā’’ti apaññātānaṃ yesaṃ kesañci sāvakehi. Anuggayhamānāti na uggayhamānā savanadhāraṇaparicayaatthūpaparikkhādivasena anuggayhamānā. Antaradhāyanti adassanaṃ gacchanti.
ஆணிஸுத்தவண்ணனா நிட்டி²தா.
Āṇisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. ஆணிஸுத்தங் • 7. Āṇisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஆணிஸுத்தவண்ணனா • 7. Āṇisuttavaṇṇanā
