| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. அஞ்ஞதித்தி²யபெய்யாலவக்³க³வண்ணனா
5. Aññatitthiyapeyyālavaggavaṇṇanā
41-48. அபராபரங் பரிவத்தமானேன வத்தஸம்பன்னேன ஸங்ஸாரத்³தா⁴னபரிஞ்ஞாவஸேனேவ நிப்³பா³னஸ்ஸ பத்தப்³ப³த்தா வுத்தங் – ‘‘நிப்³பா³னங் பத்வா பரிஞ்ஞாதங் நாம ஹோதீ’’தி. நிப்³பா³னங் பத்வாதி நிப்³பா³னப்பத்திஹேது. ஹேதுஅத்தோ² ஹி அயங் த்வா-ஸத்³தோ³ யதா² – ‘‘க⁴தங் பிவித்வா ப³லங் ஹோதி, ஸீஹங் தி³ஸ்வா ப⁴யங் ஹோதீ’’தி. தஸ்மாதி யஸ்மா அபரிஞ்ஞெய்யபரிஜானநகிச்சேன நிப்³பா³னஸ்ஸ பத்தியா அத்³தா⁴னபரிஞ்ஞாஸித்³தி⁴ ஞாயதி, தஸ்மா உபசாரவஸேன நிப்³பா³னங் ‘‘அத்³தா⁴னபரிஞ்ஞா’’தி வுச்சதி யதா² ‘‘ஹிமஸந்தி ஸூரியங் உக்³க³மேதீ’’தி. விஜ்ஜாவிமுத்திப²லஸச்சி²கிரியத்த²ந்தி எத்த² விஜ்ஜாதி அக்³க³மக்³க³விஜ்ஜா. விமுத்தீதி அக்³க³மக்³க³ஸமாதி⁴ அதி⁴ப்பேதோ . தேஸங் ப²லங் அஞ்ஞாதி ஆஹ – ‘‘விஜ்ஜாவிமுத்திப²லேன அரஹத்தங் கதி²த’’ந்தி. யாதா²வதோ ஜானநதோ பச்சக்க²தோ த³ஸ்ஸனதோ ச ஞாணத³ஸ்ஸனந்தி இத⁴ ப²லனிப்³பா³னபச்சவெக்க²ணா அதி⁴ப்பேதாதி ஆஹ – ‘‘ஞாணத³ஸ்ஸனேன பச்சவெக்க²ணா கதி²தா’’தி. ஸேஸேஹீதி ராக³-விராக³-ஸங்யோஜனப்பஹான-அனுஸயஸமுக்³கா⁴த-அத்³தா⁴னபரிஞ்ஞா- ஆஸவக்க²ய-விஜ்ஜா-விமுத்தி-ப²லஸச்சி²கிரியா-ஞாணத³ஸ்ஸன-அனுபாதா³பரினிப்³பா³னபதே³ஹி.
41-48. Aparāparaṃ parivattamānena vattasampannena saṃsāraddhānapariññāvaseneva nibbānassa pattabbattā vuttaṃ – ‘‘nibbānaṃ patvā pariññātaṃ nāma hotī’’ti. Nibbānaṃ patvāti nibbānappattihetu. Hetuattho hi ayaṃ tvā-saddo yathā – ‘‘ghataṃ pivitvā balaṃ hoti, sīhaṃ disvā bhayaṃ hotī’’ti. Tasmāti yasmā apariññeyyaparijānanakiccena nibbānassa pattiyā addhānapariññāsiddhi ñāyati, tasmā upacāravasena nibbānaṃ ‘‘addhānapariññā’’ti vuccati yathā ‘‘himasanti sūriyaṃ uggametī’’ti. Vijjāvimuttiphalasacchikiriyatthanti ettha vijjāti aggamaggavijjā. Vimuttīti aggamaggasamādhi adhippeto . Tesaṃ phalaṃ aññāti āha – ‘‘vijjāvimuttiphalena arahattaṃ kathita’’nti. Yāthāvato jānanato paccakkhato dassanato ca ñāṇadassananti idha phalanibbānapaccavekkhaṇā adhippetāti āha – ‘‘ñāṇadassanena paccavekkhaṇā kathitā’’ti. Sesehīti rāga-virāga-saṃyojanappahāna-anusayasamugghāta-addhānapariññā- āsavakkhaya-vijjā-vimutti-phalasacchikiriyā-ñāṇadassana-anupādāparinibbānapadehi.
அஞ்ஞதித்தி²யபெய்யாலவக்³க³வண்ணனா நிட்டி²தா.
Aññatitthiyapeyyālavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. ராக³விராக³ஸுத்தங் • 1. Rāgavirāgasuttaṃ
2-7. ஸங்யோஜனப்பஹானாதி³ஸுத்தச²க்கங் • 2-7. Saṃyojanappahānādisuttachakkaṃ
8. அனுபாதா³பரினிப்³பா³னஸுத்தங் • 8. Anupādāparinibbānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. அஞ்ஞதித்தி²யபெய்யாலவக்³க³வண்ணனா • 5. Aññatitthiyapeyyālavaggavaṇṇanā
