| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. அஞ்ஞதித்தி²யஸுத்தவண்ணனா
4. Aññatitthiyasuttavaṇṇanā
24. ஸோதி ஸாரிபுத்தத்தே²ரோ. யதி³ ந தாவ பவிட்டோ², கஸ்மா ‘‘பாவிஸீ’’தி வுத்தந்தி ஆஹ ‘‘பவிஸிஸ்ஸாமீ’’திஆதி³. தேன அவஸ்ஸம்பா⁴வினி பூ⁴தே விய உபசாரோ ஹோதீதி த³ஸ்ஸேதி. இதா³னி தமத்த²ங் உபமாய விபா⁴வெந்தோ ‘‘யதா² கி’’ந்திஆதி³மாஹ. அதிப்பகோ³யேவ நிக்க²ந்ததி³வஸோதி பகதியா பி⁴க்கா²சரணவேலாய அதிவிய பாதோ ஏவ விஹாரதோ நிக்க²ந்ததி³வஸபா⁴கோ³. ஏதத³ஹோஸீதி ஏதங் ‘‘அதிப்பகோ³ கோ²’’திஆதி³கங் சிந்தனங் அஹோஸி. த³க்கி²ணத்³வாரஸ்ஸாதி ராஜக³ஹனக³ரே த³க்கி²ணத்³வாரஸ்ஸ வேளுவனஸ்ஸ ச அந்தரா அஹோஸி, தஸ்மா ‘‘தேனுபஸங்கமிஸ்ஸ’’ந்தி சிந்தனா அஹோஸீதி அதி⁴ப்பாயோ. கிங் வாதீ³தி சதூஸு வாதே³ஸு கதரங் வாத³ங் வத³ஸி. கிமக்கா²யீதி தஸ்ஸேவ வேவசனங். கிங் வத³தீதி பன சத்தாரோ வாதே³ ஸாமஞ்ஞதோ க³ஹெத்வா நபுங்ஸகலிங்கே³ன வத³தி யதா² கிங் தே ஜாதலிங்க³ங். ஸப்³ப³னாமஞ்ஹேதங், யதி³த³ங் நபுங்ஸகலிங்க³ங். வத³தி ஏதேனாதி வாதோ³, த³ஸ்ஸனங். தங் ஸந்தா⁴யாஹ ‘‘கிங் எத்த²…பே॰… த³ஸ்ஸனந்தி புச்ச²ந்தீ’’தி. ‘‘த⁴ம்மபடிஸம்பி⁴தா³’’திஆதீ³ஸு விய த⁴ம்ம-ஸத்³தோ³ ஹேதுஅத்தோ²தி ஆஹ ‘‘யங் வுத்தங் காரணங், தஸ்ஸ அனுகாரண’’ந்தி. வாத³ஸ்ஸ வசனஸ்ஸ அனுப்பத்தி வாத³ப்பவத்தி.
24.Soti sāriputtatthero. Yadi na tāva paviṭṭho, kasmā ‘‘pāvisī’’ti vuttanti āha ‘‘pavisissāmī’’tiādi. Tena avassambhāvini bhūte viya upacāro hotīti dasseti. Idāni tamatthaṃ upamāya vibhāvento ‘‘yathā ki’’ntiādimāha. Atippagoyeva nikkhantadivasoti pakatiyā bhikkhācaraṇavelāya ativiya pāto eva vihārato nikkhantadivasabhāgo. Etadahosīti etaṃ ‘‘atippago kho’’tiādikaṃ cintanaṃ ahosi. Dakkhiṇadvārassāti rājagahanagare dakkhiṇadvārassa veḷuvanassa ca antarā ahosi, tasmā ‘‘tenupasaṅkamissa’’nti cintanā ahosīti adhippāyo. Kiṃ vādīti catūsu vādesu kataraṃ vādaṃ vadasi. Kimakkhāyīti tasseva vevacanaṃ. Kiṃ vadatīti pana cattāro vāde sāmaññato gahetvā napuṃsakaliṅgena vadati yathā kiṃ te jātaliṅgaṃ. Sabbanāmañhetaṃ, yadidaṃ napuṃsakaliṅgaṃ. Vadati etenāti vādo, dassanaṃ. Taṃ sandhāyāha ‘‘kiṃ ettha…pe… dassananti pucchantī’’ti. ‘‘Dhammapaṭisambhidā’’tiādīsu viya dhamma-saddo hetuatthoti āha ‘‘yaṃ vuttaṃ kāraṇaṃ, tassa anukāraṇa’’nti. Vādassa vacanassa anuppatti vādappavatti.
இத³ங் வசனந்தி ‘‘ஏகமிதா³ஹ’’ந்திஆதி³வசனங். ஸாதி ‘‘ஏகே ஸமணப்³ராஹ்மணா கம்மவாதா³’’தி ஏவங் பவத்தகதா². அச்ச²ரங் அங்கு³லிபோ²டனங் அரஹதீதி அச்ச²ரியங். அப்³பு⁴தந்தி நிருத்தினயேன பத³ஸித்³தி⁴ த³ட்ட²ப்³பா³. ஸப்³ப³வாதா³னந்தி ஸப்³பே³ஸங் சதுப்³பி³த⁴வாதா³னங். பட²மோ ஹெத்த² ஸஸ்ஸதவாதோ³, து³தியோ உச்சே²த³வாதோ³, ததியோ ஏகச்சஸஸ்ஸதவாதோ³, சதுத்தோ² அதி⁴ச்சஸமுப்பன்னவாதோ³, தேஸங் ஸப்³பே³ஸங் படிக்கே²பதோ படிக்கே²பகாரணங் வுத்தங். படிச்சஸமுப்பாத³கித்தனங் வா பசுரஜனஞாணஸ்ஸ அலப்³ப⁴னெய்யபதிட்ட²தாய க³ம்பீ⁴ரஞ்சேவ, ததா² அவபா⁴ஸனதோ சேதஸி உபட்டா²னதோ க³ம்பீ⁴ராவபா⁴ஸஞ்ச கரொந்தோ. ததே³வ பத³ந்தி ப²ஸ்ஸபத³ங்யேவ ஆதி³பூ⁴தங் க³ஹெத்வா.
Idaṃ vacananti ‘‘ekamidāha’’ntiādivacanaṃ. Sāti ‘‘eke samaṇabrāhmaṇā kammavādā’’ti evaṃ pavattakathā. Accharaṃ aṅguliphoṭanaṃ arahatīti acchariyaṃ. Abbhutanti niruttinayena padasiddhi daṭṭhabbā. Sabbavādānanti sabbesaṃ catubbidhavādānaṃ. Paṭhamo hettha sassatavādo, dutiyo ucchedavādo, tatiyo ekaccasassatavādo, catuttho adhiccasamuppannavādo, tesaṃ sabbesaṃ paṭikkhepato paṭikkhepakāraṇaṃ vuttaṃ. Paṭiccasamuppādakittanaṃ vā pacurajanañāṇassa alabbhaneyyapatiṭṭhatāya gambhīrañceva, tathā avabhāsanato cetasi upaṭṭhānato gambhīrāvabhāsañca karonto. Tadeva padanti phassapadaṃyeva ādibhūtaṃ gahetvā.
அஞ்ஞதித்தி²யஸுத்தவண்ணனா நிட்டி²தா.
Aññatitthiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. அஞ்ஞதித்தி²யஸுத்தங் • 4. Aññatitthiyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. அஞ்ஞதித்தி²யஸுத்தவண்ணனா • 4. Aññatitthiyasuttavaṇṇanā
