| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. அனோமஸுத்தவண்ணனா
5. Anomasuttavaṇṇanā
45. அனோமனாமந்தி அனூனநாமங். கு³ணனேமித்திகானி ஏவ ஹி ப⁴க³வதோ நாமானி. கு³ணானஞ்சஸ்ஸ பரிபுண்ணதாய அனூனநாமந்தி ஆஹ ‘‘ஸப்³ப³கு³ணஸமன்னாக³தத்தா’’திஆதி³. அபிச ததா² தேவிஜ்ஜோ, ச²ளபி⁴ஞ்ஞோதிஆதீ³னி நாமானி அனோமனாமானி ந ஹொந்தி பரிச்சி²ன்னவிஸயத்தா, ப⁴க³வதோ பன ஸத்தா², ஸப்³ப³ஞ்ஞூ, ஸம்மாஸம்பு³த்³தோ⁴திஆதீ³னி நாமானி அனோமனாமானி நாம மஹாவிஸயத்தா அனூனபா⁴வதோ. தேனாஹ ‘‘அவேகல்லனாம’’ந்தி. க²ந்த⁴ந்தராத³யோதி க²ந்த⁴விஸேஸாதி³கே. ஞாணேன யாதா²வதோ அரணீயட்டே²ன அத்தே². அன்வயபஞ்ஞாதி⁴க³மாயாதி லோகுத்தரபஞ்ஞாபடிலாபா⁴ய. படிபத³ந்தி ஸமத²விபஸ்ஸனாபடிபத³ங். கிலேஸகாமானங் வஸேன அல்லீயிதப்³ப³ட்டே²ன காமா ஏவ ஆலயோ. அதீதகாலேயேவ கமனதங் க³ஹெத்வா வுத்தங் ‘‘கமமான’’ந்தி. ந ஏதரஹி தத³பா⁴வதோதி ஆஹ ‘‘அதீதங் பன உபாதா³ய இத³ங் வுத்த’’ந்தி. மஹானுபா⁴வதாதி³னா மஹந்தானங்.
45.Anomanāmanti anūnanāmaṃ. Guṇanemittikāni eva hi bhagavato nāmāni. Guṇānañcassa paripuṇṇatāya anūnanāmanti āha ‘‘sabbaguṇasamannāgatattā’’tiādi. Apica tathā tevijjo, chaḷabhiññotiādīni nāmāni anomanāmāni na honti paricchinnavisayattā, bhagavato pana satthā, sabbaññū, sammāsambuddhotiādīni nāmāni anomanāmāni nāma mahāvisayattā anūnabhāvato. Tenāha ‘‘avekallanāma’’nti. Khandhantarādayoti khandhavisesādike. Ñāṇena yāthāvato araṇīyaṭṭhena atthe. Anvayapaññādhigamāyāti lokuttarapaññāpaṭilābhāya. Paṭipadanti samathavipassanāpaṭipadaṃ. Kilesakāmānaṃ vasena allīyitabbaṭṭhena kāmā eva ālayo. Atītakāleyeva kamanataṃ gahetvā vuttaṃ ‘‘kamamāna’’nti. Na etarahi tadabhāvatoti āha ‘‘atītaṃ pana upādāya idaṃ vutta’’nti. Mahānubhāvatādinā mahantānaṃ.
அனோமஸுத்தவண்ணனா நிட்டி²தா.
Anomasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. அனோமஸுத்தங் • 5. Anomasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. அனோமஸுத்தவண்ணனா • 5. Anomasuttavaṇṇanā
