| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. અનોત્તપ્પમૂલકસુત્તં
10. Anottappamūlakasuttaṃ
૧૦૪. સાવત્થિયં વિહરતિ…પે॰… ‘‘ધાતુસોવ , ભિક્ખવે, સત્તા સંસન્દન્તિ સમેન્તિ. અનોત્તપ્પિનો અનોત્તપ્પીહિ સદ્ધિં સંસન્દન્તિ સમેન્તિ; અપ્પસ્સુતા અપ્પસ્સુતેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; ઓત્તપ્પિનો ઓત્તપ્પીહિ સદ્ધિં સંસન્દન્તિ સમેન્તિ; બહુસ્સુતા બહુસ્સુતેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ…પે॰…. (૧)
104. Sāvatthiyaṃ viharati…pe… ‘‘dhātusova , bhikkhave, sattā saṃsandanti samenti. Anottappino anottappīhi saddhiṃ saṃsandanti samenti; appassutā appassutehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; bahussutā bahussutehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (1)
‘‘અનોત્તપ્પિનો અનોત્તપ્પીહિ સદ્ધિં સંસન્દન્તિ સમેન્તિ; કુસીતા કુસીતેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; ઓત્તપ્પિનો ઓત્તપ્પીહિ સદ્ધિં સંસન્દન્તિ સમેન્તિ; આરદ્ધવીરિયા આરદ્ધવીરિયેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ…પે॰…. (૨)
‘‘Anottappino anottappīhi saddhiṃ saṃsandanti samenti; kusītā kusītehi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (2)
‘‘અનોત્તપ્પિનો અનોત્તપ્પીહિ સદ્ધિં સંસન્દન્તિ સમેન્તિ; મુટ્ઠસ્સતિનો મુટ્ઠસ્સતીહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; ઓત્તપ્પિનો ઓત્તપ્પીહિ સદ્ધિં સંસન્દન્તિ સમેન્તિ; ઉપટ્ઠિતસ્સતિનો ઉપટ્ઠિતસ્સતીહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તીતિ…પે॰…. દસમં. (૩)
‘‘Anottappino anottappīhi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; ottappino ottappīhi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dasamaṃ. (3)
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮-૧૨. અસ્સદ્ધમૂલકસુત્તાદિવણ્ણના • 8-12. Assaddhamūlakasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮-૧૨. અસ્સદ્ધમૂલકસુત્તાદિવણ્ણના • 8-12. Assaddhamūlakasuttādivaṇṇanā
