| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6-7. அந்தேவாஸிகஸுத்தாதி³வண்ணனா
6-7. Antevāsikasuttādivaṇṇanā
151-152. அந்த-ஸத்³தோ³ ஸமீபத்தே² வத்ததி ‘‘உத³கந்தங் வனந்த’’ந்திஆதீ³ஸு, கிலேஸோ பன அதிஆஸன்னே வஸதி அப்³ப⁴ந்தரவுத்திதாயாதி ‘‘அந்தேவாஸிக’’ந்தி வுத்தோ விப⁴த்திஅலோபேன யதா² ‘‘வனேகுஸலோ, கூலேருக்கா²’’தி. தேனாஹ – ‘‘அனந்தேவாஸிகந்தி அந்தோவஸனகிலேஸவிரஹித’’ந்தி. ஆசரணககிலேஸவிரஹிதந்தி ஸமுதா³சரணகிலேஸரஹிதங். அந்தோ அஸ்ஸ வஸந்தீதி அஸ்ஸ புக்³க³லஸ்ஸ அந்தோ அப்³ப⁴ந்தரே சித்தே வஸந்தி பவத்தந்தி. தே ஏதங் அதி⁴ப⁴வந்தீதி தே கிலேஸா ஏதங் புக்³க³லங் அபி⁴ப⁴வித்வா அத்தனோ வஸே வத்தெந்தி. தேனாஹ – ‘‘அஜ்ஜொ²த்த²ரந்தி ஸிக்கா²பெந்தி வா’’தி. தேஹி ஆசரியேஹீதி தேஹி கிலேஸஸங்கா²தேஹி ஸத்தே அத்தனோ க³தியங் ட²பெந்தேஹி ஆசரியேஹி. ஸத்தமங் ஹெட்டா² கதி²தனயமேவாதி யஸ்மா ஹெட்டா² க²ந்த⁴வஸேன தே³ஸனா ஆக³தா, இத⁴ ஆயதனவஸேனாதி அயமேவ விஸேஸோ.
151-152. Anta-saddo samīpatthe vattati ‘‘udakantaṃ vananta’’ntiādīsu, kileso pana atiāsanne vasati abbhantaravuttitāyāti ‘‘antevāsika’’nti vutto vibhattialopena yathā ‘‘vanekusalo, kūlerukkhā’’ti. Tenāha – ‘‘anantevāsikanti antovasanakilesavirahita’’nti. Ācaraṇakakilesavirahitanti samudācaraṇakilesarahitaṃ. Antoassa vasantīti assa puggalassa anto abbhantare citte vasanti pavattanti. Te etaṃ adhibhavantīti te kilesā etaṃ puggalaṃ abhibhavitvā attano vase vattenti. Tenāha – ‘‘ajjhottharanti sikkhāpenti vā’’ti. Tehi ācariyehīti tehi kilesasaṅkhātehi satte attano gatiyaṃ ṭhapentehi ācariyehi. Sattamaṃ heṭṭhā kathitanayamevāti yasmā heṭṭhā khandhavasena desanā āgatā, idha āyatanavasenāti ayameva viseso.
அந்தேவாஸிகஸுத்தாதி³வண்ணனா நிட்டி²தா.
Antevāsikasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
6. அந்தேவாஸிகஸுத்தங் • 6. Antevāsikasuttaṃ
7. கிமத்தி²யப்³ரஹ்மசரியஸுத்தங் • 7. Kimatthiyabrahmacariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6-7. அந்தேவாஸிகஸுத்தாதி³வண்ணனா • 6-7. Antevāsikasuttādivaṇṇanā
