| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7-10. அனுத⁴ம்மஸுத்தாதி³வண்ணனா
7-10. Anudhammasuttādivaṇṇanā
39-42. அபாயது³க்கே² ஸகலஸங்ஸாரது³க்கே² ச பதிதுங் அத³த்வா தா⁴ரணட்டே²ன த⁴ம்மோ, மக்³க³ப²லனிப்³பா³னானி. தத³னுலோமிகா சஸ்ஸ புப்³ப³பா⁴க³படிபதா³தி ஆஹ ‘‘த⁴ம்மானுத⁴ம்மபடிபன்னஸ்ஸா’’திஆதி³. ‘‘நிப்³பி³தா³ப³ஹுலோ’’தி அட்ட²கதா²யங் பது³த்³தா⁴ரோ கதோ, பாளியங் பன ‘‘நிப்³பி³தா³ப³ஹுலங் விஹரெய்யா’’தி ஆக³தங். உக்கண்ட²னப³ஹுலோதி ஸப்³ப³ப⁴வேஸு உக்கண்ட²னப³ஹுலோ. தீஹி பரிஞ்ஞாஹீதி ஞாததீரணப்பஹானபரிஞ்ஞாஹி. பரிஜானாதீதி தேபூ⁴மகத⁴ம்மே பரிச்சி²ஜ்ஜ ஜானாதி, விபஸ்ஸனங் உஸ்ஸுக்காபேதி. பரிமுச்சதி ஸப்³ப³ஸங்கிலேஸதோ ‘‘மக்³கோ³ பவத்திதோ பரிமுச்சதீ’’தி வுத்தத்தா. ததா²தி இமினா இதோ பரேஸு தீஸு மக்³கோ³ ஹோதீதி த³ஸ்ஸேதி. இதா⁴தி இமஸ்மிங் ஸுத்தே. அனியமிதாதி அக்³க³ஹிதா. தேஸு நியமிதா ‘‘அனிச்சானுபஸ்ஸீ’’திஆதி³வசனதோ. ஸாதி அனுபஸ்ஸனா. தத்த² நியமிதவஸேனேவாதி இத³ங் லக்க²ணவசனங் யதா² ‘‘யதி³ மே ப்³யாத⁴யோ ப⁴வெய்யுங் , தா³தப்³ப³மித³மோஸத⁴’’ந்தி. ந ஹி ஸக்கா ஏதிஸ்ஸா ஏவ அனுபஸ்ஸனாய வஸேன ஸம்மஸனாசாரங் மத்த²கங் பாபேதுந்தி.
39-42. Apāyadukkhe sakalasaṃsāradukkhe ca patituṃ adatvā dhāraṇaṭṭhena dhammo, maggaphalanibbānāni. Tadanulomikā cassa pubbabhāgapaṭipadāti āha ‘‘dhammānudhammapaṭipannassā’’tiādi. ‘‘Nibbidābahulo’’ti aṭṭhakathāyaṃ paduddhāro kato, pāḷiyaṃ pana ‘‘nibbidābahulaṃ vihareyyā’’ti āgataṃ. Ukkaṇṭhanabahuloti sabbabhavesu ukkaṇṭhanabahulo. Tīhi pariññāhīti ñātatīraṇappahānapariññāhi. Parijānātīti tebhūmakadhamme paricchijja jānāti, vipassanaṃ ussukkāpeti. Parimuccati sabbasaṃkilesato ‘‘maggo pavattito parimuccatī’’ti vuttattā. Tathāti iminā ito paresu tīsu maggo hotīti dasseti. Idhāti imasmiṃ sutte. Aniyamitāti aggahitā. Tesu niyamitā ‘‘aniccānupassī’’tiādivacanato. Sāti anupassanā. Tattha niyamitavasenevāti idaṃ lakkhaṇavacanaṃ yathā ‘‘yadi me byādhayo bhaveyyuṃ , dātabbamidamosadha’’nti. Na hi sakkā etissā eva anupassanāya vasena sammasanācāraṃ matthakaṃ pāpetunti.
அனுத⁴ம்மஸுத்தாதி³வண்ணனா நிட்டி²தா.
Anudhammasuttādivaṇṇanā niṭṭhitā.
நதும்ஹாகங்வக்³க³வண்ணனா நிட்டி²தா.
Natumhākaṃvaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
7. அனுத⁴ம்மஸுத்தங் • 7. Anudhammasuttaṃ
8. து³தியஅனுத⁴ம்மஸுத்தங் • 8. Dutiyaanudhammasuttaṃ
9. ததியஅனுத⁴ம்மஸுத்தங் • 9. Tatiyaanudhammasuttaṃ
10. சதுத்த²அனுத⁴ம்மஸுத்தங் • 10. Catutthaanudhammasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-10. அனுத⁴ம்மஸுத்தாதி³வண்ணனா • 7-10. Anudhammasuttādivaṇṇanā
