| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૩. અનુલોમપચ્ચનીયવણ્ણના
3. Anulomapaccanīyavaṇṇanā
૪૫-૪૮. અનુલોમે વુત્તેસુ સબ્બેસુ એકમૂલકાદીસુ એકેકં પદં પરિહાપેત્વાતિ તત્થ એકમૂલકે ચતુવીસતિ પચ્ચયપદાનિ ઇધ એકમૂલકે તેવીસતિ, એકો પન પચ્ચયો મૂલભાવેન ઠિતો અપુબ્બતાભાવતો અગણનૂપગો. તત્થ દુમૂલકે તેવીસતિ પચ્ચયપદાનિ ગણનૂપગાનિ, ઇધ દુમૂલકે દ્વાવીસતીતિ એવં પરિહાપેત્વાતિ અત્થો.
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
અનુલોમતો ઠિતસ્સ પચ્ચનીયતો અલબ્ભમાનાનં સુદ્ધિકપચ્ચયાનઞ્ચ અલબ્ભમાનતં સન્ધાય ‘‘લબ્ભમાનપદાન’’ન્તિ વુત્તં. ન હિ અઞ્ઞથા પુચ્છાવસેન કોચિ પચ્ચયો અલબ્ભમાનો નામ અત્થીતિ. વિસ્સજ્જનાવસેનેવ વા પવત્તં અનુલોમપચ્ચનીયદેસનં સન્ધાય ‘‘લબ્ભમાનપદાન’’ન્તિ વુત્તં.
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
અનુલોમપચ્ચનીયવણ્ણના નિટ્ઠિતા.
Anulomapaccanīyavaṇṇanā niṭṭhitā.
પુચ્છાવારવણ્ણના નિટ્ઠિતા.
Pucchāvāravaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / ૩. પુચ્છાવારો • 3. Pucchāvāro
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૩. અનુલોમપચ્ચનીયવણ્ણના • 3. Anulomapaccanīyavaṇṇanā
