| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૬. અનુપખજ્જસિક્ખાપદવણ્ણના
6. Anupakhajjasikkhāpadavaṇṇanā
૧૨૧. છબ્બગ્ગિયેસુયેવ થેરા ભિક્ખૂતિ કેચિ. પાદે ધોવિત્વાતિઆદિમ્હિ પવિસન્તસ્સ વા પાદધોવનપાસાણતો યાવ મઞ્ચપીઠં પસ્સાવત્થાય નિક્ખમન્તસ્સ વા યાવ પસ્સાવટ્ઠાનન્તિ યોજના કાતબ્બા. એવં સન્તે ‘‘પસ્સાવત્થાય નિક્ખમન્તસ્સ વા’’તિ ન વત્તબ્બં, ‘‘પસ્સાવટ્ઠાનતો નિક્ખમન્તસ્સ વા’’તિ વત્તબ્બં. પસ્સાવટ્ઠાનન્તિ કત્થચિ પોત્થકે. તથા હિ માતિકાટ્ઠકથાયં (કઙ્ખા॰ અટ્ઠ॰ અનુપખજ્જસિક્ખાપદવણ્ણના) ‘‘પવિસન્તસ્સ પાદધોવનપાસાણતો યાવ મઞ્ચપીઠં નિક્ખમન્તસ્સ મઞ્ચપીઠતો યાવ પસ્સાવટ્ઠાનં, તાવ ઉપચારો’’તિ વુત્તં, તસ્મા ‘‘પાદે ધોવિત્વા પવિસન્તસ્સ, પસ્સાવત્થાય નિક્ખમન્તસ્સ ચ દ્વારે નિક્ખિત્તપાદધોવનપાસાણતો, પસ્સાવટ્ઠાનતો ચ મઞ્ચપીઠ’’ન્તિ કત્થચિ પોત્થકે પાઠો, સો અપાઠો. કસ્મા? મઞ્ચપીઠાનં ઉપચારસ્સ વુત્તત્તા. પવિસન્તસ્સ યાવ મઞ્ચપીઠાનં ઉપચારો, નિક્ખમન્તસ્સ તતો પટ્ઠાય યાવ પસ્સાવટ્ઠાનં વચ્ચકુટિચઙ્કમટ્ઠાનન્તિ ઇમિના અત્થેન યથા સંસન્દતિ, તથાવિધો પાઠોતિ આચરિયો.
121. Chabbaggiyesuyeva therā bhikkhūti keci. Pāde dhovitvātiādimhi pavisantassa vā pādadhovanapāsāṇato yāva mañcapīṭhaṃ passāvatthāya nikkhamantassa vā yāva passāvaṭṭhānanti yojanā kātabbā. Evaṃ sante ‘‘passāvatthāya nikkhamantassa vā’’ti na vattabbaṃ, ‘‘passāvaṭṭhānato nikkhamantassa vā’’ti vattabbaṃ. Passāvaṭṭhānanti katthaci potthake. Tathā hi mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) ‘‘pavisantassa pādadhovanapāsāṇato yāva mañcapīṭhaṃ nikkhamantassa mañcapīṭhato yāva passāvaṭṭhānaṃ, tāva upacāro’’ti vuttaṃ, tasmā ‘‘pāde dhovitvā pavisantassa, passāvatthāya nikkhamantassa ca dvāre nikkhittapādadhovanapāsāṇato, passāvaṭṭhānato ca mañcapīṭha’’nti katthaci potthake pāṭho, so apāṭho. Kasmā? Mañcapīṭhānaṃ upacārassa vuttattā. Pavisantassa yāva mañcapīṭhānaṃ upacāro, nikkhamantassa tato paṭṭhāya yāva passāvaṭṭhānaṃ vaccakuṭicaṅkamaṭṭhānanti iminā atthena yathā saṃsandati, tathāvidho pāṭhoti ācariyo.
૧૨૨. ઉપચારં ઠપેત્વાતિ ઇધ વુત્તઉપચારં ઠપેત્વા. ‘‘દસ્સનસવનૂપચારેપિ સન્થરન્તસ્સા’’તિ લિખિતં.
122.Upacāraṃ ṭhapetvāti idha vuttaupacāraṃ ṭhapetvā. ‘‘Dassanasavanūpacārepi santharantassā’’ti likhitaṃ.
અનુપખજ્જસિક્ખાપદવણ્ણના નિટ્ઠિતા.
Anupakhajjasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૨. ભૂતગામવગ્ગો • 2. Bhūtagāmavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૬. અનુપખજ્જસિક્ખાપદવણ્ણના • 6. Anupakhajjasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૬. અનુપખજ્જસિક્ખાપદં • 6. Anupakhajjasikkhāpadaṃ
