| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ९।६
Saṁyutta Nikāya 9.6
The Related Suttas Collection 9.6
१। वनवग्ग
1. Vanavagga
1. In the Woods
अनुरुद्धसुत्त
Anuruddhasutta
With Anuruddha
एकं समयं आयस्मा अनुरुद्धो कोसलेसु विहरति अञ्ञतरस्मिं वनसण्डे।
Ekaṁ samayaṁ āyasmā anuruddho kosalesu viharati aññatarasmiṁ vanasaṇḍe.
At one time Venerable Anuruddha was staying in the land of the Kosalans in a certain forest grove.
अथ खो अञ्ञतरा तावतिंसकायिका देवता जालिनी नाम आयस्मतो अनुरुद्धस्स पुराणदुतियिका येनायस्मा अनुरुद्धो तेनुपसङ्कमि; उपसङ्कमित्वा आयस्मन्तं अनुरुद्धं गाथाय अज्झभासि:
Atha kho aññatarā tāvatiṁsakāyikā devatā jālinī nāma āyasmato anuruddhassa purāṇadutiyikā yenāyasmā anuruddho tenupasaṅkami; upasaṅkamitvā āyasmantaṁ anuruddhaṁ gāthāya ajjhabhāsi:
Then a certain deity of the company of the Thirty-Three named Penelope had been Anuruddha’s partner in a former life. She went up to Anuruddha, and recited these verses:
“तत्थ चित्तं पणिधेहि, यत्थ ते वुसितं पुरे; तावतिंसेसु देवेसु, सब्बकामसमिद्धिसु; पुरक्खतो परिवुतो, देवकञ्ञाहि सोभसी”ति।
“Tattha cittaṁ paṇidhehi, yattha te vusitaṁ pure; Tāvatiṁsesu devesu, sabbakāmasamiddhisu; Purakkhato parivuto, devakaññāhi sobhasī”ti.
“Set your heart there, where you used to live; among the gods of the Thirty-Three, whose every desire is granted! At the fore of a retinue of divine maidens, you’ll shine!”
“दुग्गता देवकञ्ञायो, सक्कायस्मिं पतिट्ठिता; ते चापि दुग्गता सत्ता, देवकञ्ञाहि पत्थिता”ति।
“Duggatā devakaññāyo, sakkāyasmiṁ patiṭṭhitā; Te cāpi duggatā sattā, devakaññāhi patthitā”ti.
“Divine maidens are in a sorry state, stuck in self-identity. And those beings too are in a sorry state, who are attached to divine maidens.”
“न ते सुखं पजानन्ति, ये न पस्सन्ति नन्दनं; आवासं नरदेवानं, तिदसानं यसस्सिनन्”ति।
“Na te sukhaṁ pajānanti, ye na passanti nandanaṁ; Āvāsaṁ naradevānaṁ, tidasānaṁ yasassinan”ti.
“They don’t know pleasure who don’t see the Garden of Delight! It’s the abode of lordly gods, the glorious host of Thirty!”
“न त्वं बाले विजानासि, यथा अरहतं वचो; अनिच्चा सब्बसङ्खारा, उप्पादवयधम्मिनो; उप्पज्जित्वा निरुज्झन्ति, तेसं वूपसमो सुखो।
“Na tvaṁ bāle vijānāsi, yathā arahataṁ vaco; Aniccā sabbasaṅkhārā, uppādavayadhammino; Uppajjitvā nirujjhanti, tesaṁ vūpasamo sukho.
“Fool, don’t you understand the saying of the perfected ones: all conditions are impermanent, their nature is to rise and fall; having arisen, they cease; their stilling is true bliss.
नत्थि दानि पुनावासो, देवकायस्मि जालिनि; विक्खीणो जातिसंसारो, नत्थि दानि पुनब्भवो”ति।
Natthi dāni punāvāso, devakāyasmi jālini; Vikkhīṇo jātisaṁsāro, natthi dāni punabbhavo”ti.
Penelope, weaver of the web, there’ll be no more lives in the hosts of gods. Transmigration through births is finished, now there’ll be no more future lives.”
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
