| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
ચોદનાકણ્ડં
Codanākaṇḍaṃ
અનુવિજ્જકકિચ્ચવણ્ણના
Anuvijjakakiccavaṇṇanā
૩૬૦. પાળિયં યં ખો ત્વન્તિઆદીસુ ત્વં, આવુસો, યં ઇમં ભિક્ખું ચોદેસિ, તં કિમ્હિ દોસે ચોદેસિ, કતરાય વિપત્તિયા ચોદેસીતિ અત્થો. એવં સબ્બત્થ.
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
૩૬૧. અસુદ્ધપરિસઙ્કિતોતિ અસુદ્ધાય અટ્ઠાને ઉપ્પન્નાય પરિસઙ્કાય પરિસઙ્કિતો. તેનાહ ‘‘અમૂલકપરિસઙ્કિતો’’તિ.
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
૩૬૪. પાળિયં ઉપોસથો સામગ્ગત્થાયાતિ વિસુદ્ધાનં ભિક્ખૂનં અઞ્ઞોઞ્ઞનિરપેક્ખો અહુત્વા ઉપોસથો ઉપોસથટ્ઠાનં સન્નિપતિત્વા ‘‘પારિસુદ્ધિં આયસ્મન્તો આરોચેથ, પરિસુદ્ધેત્થાયસ્મન્તો, પરિસુદ્ધો અહં આવુસો’’તિઆદિના અઞ્ઞમઞ્ઞં પરિસુદ્ધિવીમંસનારોચનવસેન અયુત્તે વિવજ્જેત્વા યુત્તેહેવ કાયચિત્તસામગ્ગીકરણત્થાય.
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
વિસુદ્ધાય પવારણાતિ દિટ્ઠસુતાદીહિ અઞ્ઞમઞ્ઞં કથાપેત્વા વિસુદ્ધિસમ્પાદનત્થાયાતિ અત્થો. ઉભો એતેતિ આમિસપુગ્ગલનિસ્સયને એતે ઉભો.
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
અનુવિજ્જકકિચ્ચવણ્ણના નિટ્ઠિતા.
Anuvijjakakiccavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi
૧. અનુવિજ્જકઅનુયોગો • 1. Anuvijjakaanuyogo
૨. ચોદકાદિપટિપત્તિ • 2. Codakādipaṭipatti
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā
અનુવિજ્જકકિચ્ચવણ્ણના • Anuvijjakakiccavaṇṇanā
ચોદકપુચ્છાવિસ્સજ્જનાવણ્ણના • Codakapucchāvissajjanāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અનુવિજ્જકકિચ્ચવણ્ણના • Anuvijjakakiccavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / અનુવિજ્જકકિચ્ચવણ્ણના • Anuvijjakakiccavaṇṇanā
