| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. இத்³தி⁴பாத³ஸங்யுத்தங்
7. Iddhipādasaṃyuttaṃ
1. சாபாலவக்³கோ³
1. Cāpālavaggo
1. அபாரஸுத்தவண்ணனா
1. Apārasuttavaṇṇanā
813. ச²ந்த³ங் நிஸ்ஸாய பவத்தோ ஸமாதீ⁴தி கத்துகம்யதாச²ந்த³ங் அதி⁴பதிங் கத்வா படிலத்³த⁴ஸமாதி⁴ ச²ந்த⁴ஸமாதி⁴. பதா⁴னஸங்கா²ராதி சதுகிச்சஸாத⁴கஸ்ஸ ஸம்மப்பதா⁴னவீரியஸ்ஸேதங் அதி⁴வசனங். தேஹீதி ச²ந்த³ஸமாதி⁴பதா⁴னஸங்கா²ரேஹி. இத்³தி⁴யா பாத³ந்தி நிப்ப²த்திபரியாயேன இஜ்ஜ²னட்டே²ன, இஜ்ஜ²ந்தி ஏதாய ஸத்³தா⁴ இத்³தா⁴ வுத்³தா⁴ உக்கங்ஸக³தா ஹொந்தீதி இமினா வா பரியாயேன ‘‘இத்³தீ⁴’’தி ஸங்கா²தானங் உபசாரஜ்ஜா²னாதி³குஸலசித்தஸம்பயுத்தானங் ச²ந்த³ஸமாதி⁴பதா⁴னஸங்கா²ரானங் அதி⁴ட்டா²னட்டே²ன பாத³பூ⁴தங், ஸேஸசித்தசேதஸிகராஸிந்தி அத்தோ². ஸா ஏவ ச யதா²வுத்தஇத்³தி⁴ யஸ்மா ஹெட்டி²மா ஹெட்டி²மா உபரிமாய உபரிமாய பாத³பூ⁴தா, தஸ்மா வுத்தங் ‘‘இத்³தி⁴பூ⁴தங் வா பாத³ந்தி இத்³தி⁴பாத³’’ந்தி. ஸேஸேஸூதி வீரியஸமாதி⁴ஆதீ³ஸு. தத்த² ஹி வீரியங் சித்தங் வீமங்ஸங் அதி⁴பதிங் கத்வா படிலத்³த⁴ஸமாதி⁴ வீமங்ஸாஸமாதீ⁴தி அத்தோ² வேதி³தப்³போ³. இதா⁴தி இமஸ்மிங் இத்³தி⁴பாத³ஸங்யுத்தே. ஏகபரிச்சே²தோ³வ அத்த²னித்³தே³ஸோ.
813.Chandaṃnissāya pavatto samādhīti kattukamyatāchandaṃ adhipatiṃ katvā paṭiladdhasamādhi chandhasamādhi. Padhānasaṅkhārāti catukiccasādhakassa sammappadhānavīriyassetaṃ adhivacanaṃ. Tehīti chandasamādhipadhānasaṅkhārehi. Iddhiyā pādanti nipphattipariyāyena ijjhanaṭṭhena, ijjhanti etāya saddhā iddhā vuddhā ukkaṃsagatā hontīti iminā vā pariyāyena ‘‘iddhī’’ti saṅkhātānaṃ upacārajjhānādikusalacittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūtaṃ, sesacittacetasikarāsinti attho. Sā eva ca yathāvuttaiddhi yasmā heṭṭhimā heṭṭhimā uparimāya uparimāya pādabhūtā, tasmā vuttaṃ ‘‘iddhibhūtaṃ vā pādanti iddhipāda’’nti. Sesesūti vīriyasamādhiādīsu. Tattha hi vīriyaṃ cittaṃ vīmaṃsaṃ adhipatiṃ katvā paṭiladdhasamādhi vīmaṃsāsamādhīti attho veditabbo. Idhāti imasmiṃ iddhipādasaṃyutte. Ekaparicchedova atthaniddeso.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. அபாரஸுத்தங் • 1. Apārasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. அபாரஸுத்தவண்ணனா • 1. Apārasuttavaṇṇanā
