| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. ઇદ્ધિપાદસંયુત્તં
7. Iddhipādasaṃyuttaṃ
૧. ચાપાલવગ્ગો
1. Cāpālavaggo
૧. અપારસુત્તવણ્ણના
1. Apārasuttavaṇṇanā
૮૧૩. છન્દં નિસ્સાય પવત્તો સમાધીતિ કત્તુકમ્યતાછન્દં અધિપતિં કત્વા પટિલદ્ધસમાધિ છન્ધસમાધિ. પધાનસઙ્ખારાતિ ચતુકિચ્ચસાધકસ્સ સમ્મપ્પધાનવીરિયસ્સેતં અધિવચનં. તેહીતિ છન્દસમાધિપધાનસઙ્ખારેહિ. ઇદ્ધિયા પાદન્તિ નિપ્ફત્તિપરિયાયેન ઇજ્ઝનટ્ઠેન, ઇજ્ઝન્તિ એતાય સદ્ધા ઇદ્ધા વુદ્ધા ઉક્કંસગતા હોન્તીતિ ઇમિના વા પરિયાયેન ‘‘ઇદ્ધી’’તિ સઙ્ખાતાનં ઉપચારજ્ઝાનાદિકુસલચિત્તસમ્પયુત્તાનં છન્દસમાધિપધાનસઙ્ખારાનં અધિટ્ઠાનટ્ઠેન પાદભૂતં, સેસચિત્તચેતસિકરાસિન્તિ અત્થો. સા એવ ચ યથાવુત્તઇદ્ધિ યસ્મા હેટ્ઠિમા હેટ્ઠિમા ઉપરિમાય ઉપરિમાય પાદભૂતા, તસ્મા વુત્તં ‘‘ઇદ્ધિભૂતં વા પાદન્તિ ઇદ્ધિપાદ’’ન્તિ. સેસેસૂતિ વીરિયસમાધિઆદીસુ. તત્થ હિ વીરિયં ચિત્તં વીમંસં અધિપતિં કત્વા પટિલદ્ધસમાધિ વીમંસાસમાધીતિ અત્થો વેદિતબ્બો. ઇધાતિ ઇમસ્મિં ઇદ્ધિપાદસંયુત્તે. એકપરિચ્છેદોવ અત્થનિદ્દેસો.
813.Chandaṃnissāya pavatto samādhīti kattukamyatāchandaṃ adhipatiṃ katvā paṭiladdhasamādhi chandhasamādhi. Padhānasaṅkhārāti catukiccasādhakassa sammappadhānavīriyassetaṃ adhivacanaṃ. Tehīti chandasamādhipadhānasaṅkhārehi. Iddhiyā pādanti nipphattipariyāyena ijjhanaṭṭhena, ijjhanti etāya saddhā iddhā vuddhā ukkaṃsagatā hontīti iminā vā pariyāyena ‘‘iddhī’’ti saṅkhātānaṃ upacārajjhānādikusalacittasampayuttānaṃ chandasamādhipadhānasaṅkhārānaṃ adhiṭṭhānaṭṭhena pādabhūtaṃ, sesacittacetasikarāsinti attho. Sā eva ca yathāvuttaiddhi yasmā heṭṭhimā heṭṭhimā uparimāya uparimāya pādabhūtā, tasmā vuttaṃ ‘‘iddhibhūtaṃ vā pādanti iddhipāda’’nti. Sesesūti vīriyasamādhiādīsu. Tattha hi vīriyaṃ cittaṃ vīmaṃsaṃ adhipatiṃ katvā paṭiladdhasamādhi vīmaṃsāsamādhīti attho veditabbo. Idhāti imasmiṃ iddhipādasaṃyutte. Ekaparicchedova atthaniddeso.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. અપારસુત્તં • 1. Apārasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧. અપારસુત્તવણ્ણના • 1. Apārasuttavaṇṇanā
