| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. அபரிஹானியஸுத்தங்
2. Aparihāniyasuttaṃ
22. ‘‘ச²யிமே, பி⁴க்க²வே, அபரிஹானியே த⁴ம்மே தே³ஸெஸ்ஸாமி, தங் ஸுணாத²…பே॰… கதமே ச, பி⁴க்க²வே, ச² அபரிஹானியா த⁴ம்மா? ந கம்மாராமதா, ந ப⁴ஸ்ஸாராமதா, ந நித்³தா³ராமதா, ந ஸங்க³ணிகாராமதா, ஸோவசஸ்ஸதா, கல்யாணமித்ததா – இமே கோ², பி⁴க்க²வே, ச² அபரிஹானியா த⁴ம்மா.
22. ‘‘Chayime, bhikkhave, aparihāniye dhamme desessāmi, taṃ suṇātha…pe… katame ca, bhikkhave, cha aparihāniyā dhammā? Na kammārāmatā, na bhassārāmatā, na niddārāmatā, na saṅgaṇikārāmatā, sovacassatā, kalyāṇamittatā – ime kho, bhikkhave, cha aparihāniyā dhammā.
‘‘யே ஹி கேசி, பி⁴க்க²வே, அதீதமத்³தா⁴னங் ந பரிஹாயிங்ஸு குஸலேஹி த⁴ம்மேஹி, ஸப்³பே³தே இமேஹேவ ச²ஹி த⁴ம்மேஹி ந பரிஹாயிங்ஸு குஸலேஹி த⁴ம்மேஹி. யேபி ஹி கேசி, பி⁴க்க²வே, அனாக³தமத்³தா⁴னங் ந பரிஹாயிஸ்ஸந்தி குஸலேஹி த⁴ம்மேஹி, ஸப்³பே³தே இமேஹேவ ச²ஹி த⁴ம்மேஹி ந பரிஹாயிஸ்ஸந்தி குஸலேஹி த⁴ம்மேஹி. யேபி ஹி கேசி, பி⁴க்க²வே, ஏதரஹி ந பரிஹாயந்தி குஸலேஹி த⁴ம்மேஹி, ஸப்³பே³தே இமேஹேவ ச²ஹி த⁴ம்மேஹி ந பரிஹாயந்தி குஸலேஹி த⁴ம்மேஹீ’’தி. து³தியங்.
‘‘Ye hi keci, bhikkhave, atītamaddhānaṃ na parihāyiṃsu kusalehi dhammehi, sabbete imeheva chahi dhammehi na parihāyiṃsu kusalehi dhammehi. Yepi hi keci, bhikkhave, anāgatamaddhānaṃ na parihāyissanti kusalehi dhammehi, sabbete imeheva chahi dhammehi na parihāyissanti kusalehi dhammehi. Yepi hi keci, bhikkhave, etarahi na parihāyanti kusalehi dhammehi, sabbete imeheva chahi dhammehi na parihāyanti kusalehi dhammehī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1-2. ஸாமகஸுத்தாதி³வண்ணனா • 1-2. Sāmakasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. ஸாமகஸுத்தாதி³வண்ணனா • 1-2. Sāmakasuttādivaṇṇanā
