| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૯. અપરિયાપન્નકથાવણ્ણના
9. Apariyāpannakathāvaṇṇanā
૭૦૯-૭૧૦. તસ્માતિ યસ્મા દિટ્ઠિરાગાનં સમાને વિક્ખમ્ભનભાવેપિ ‘‘વીતરાગો’’તિ વુચ્ચતિ, ન પન ‘‘વિગતદિટ્ઠિકો’’તિ, તસ્મા દિટ્ઠિ લોકિયપરિયાપન્ના ન હોતીતિ અત્થં વદન્તિ. રૂપદિટ્ઠિયા અભાવા પન કામધાતુપરિયાપન્નાય દિટ્ઠિયા ભવિતબ્બં. યદિ ચ પરિયાપન્ના સિયા, તથા ચ સતિ કામરાગો વિય ઝાનલાભિનો દિટ્ઠિપિ વિગચ્છેય્યાતિ ‘‘વિગતદિટ્ઠિકો’’તિ વત્તબ્બો સિયા, ન ચ વુચ્ચતિ, તસ્મા અપરિયાપન્ના દિટ્ઠિ. ન હિ સા તસ્સ અવિગતા દિટ્ઠિ કામરાગો વિય કામદિટ્ઠિ યેન કામધાતુયા પરિયાપન્ના સિયાતિ વદતીતિ વેદિતબ્બં.
709-710. Tasmāti yasmā diṭṭhirāgānaṃ samāne vikkhambhanabhāvepi ‘‘vītarāgo’’ti vuccati, na pana ‘‘vigatadiṭṭhiko’’ti, tasmā diṭṭhi lokiyapariyāpannā na hotīti atthaṃ vadanti. Rūpadiṭṭhiyā abhāvā pana kāmadhātupariyāpannāya diṭṭhiyā bhavitabbaṃ. Yadi ca pariyāpannā siyā, tathā ca sati kāmarāgo viya jhānalābhino diṭṭhipi vigaccheyyāti ‘‘vigatadiṭṭhiko’’ti vattabbo siyā, na ca vuccati, tasmā apariyāpannā diṭṭhi. Na hi sā tassa avigatā diṭṭhi kāmarāgo viya kāmadiṭṭhi yena kāmadhātuyā pariyāpannā siyāti vadatīti veditabbaṃ.
અપરિયાપન્નકથાવણ્ણના નિટ્ઠિતા.
Apariyāpannakathāvaṇṇanā niṭṭhitā.
ચુદ્દસમવગ્ગવણ્ણના નિટ્ઠિતા.
Cuddasamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૪૪) ૯. અપરિયાપન્નકથા • (144) 9. Apariyāpannakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. અપરિયાપન્નકથાવણ્ણના • 9. Apariyāpannakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૯. અપરિયાપન્નકથાવણ્ણના • 9. Apariyāpannakathāvaṇṇanā
