| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
આપત્તિસમુટ્ઠાનગાથાવણ્ણના
Āpattisamuṭṭhānagāthāvaṇṇanā
૨૮૩. તતિયો પન ગાથાવારો દુતિયવારેન વુત્તમેવત્થં સઙ્ગહેત્વા દસ્સેતું વુત્તો. તત્થ કાયોવ કાયિકોતિ વત્તબ્બે વચનવિપલ્લાસેન ‘‘કાયિકા’’તિ વુત્તં. તેનાહ ‘‘તેન સમુટ્ઠિતા’’તિ, કાયો સમુટ્ઠાનં અક્ખાતોતિ અત્થો.
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
વિવેકદસ્સિનાતિ સબ્બસઙ્ખતવિવિત્તત્તા, તતો વિવિત્તહેતુત્તા ચ નીવરણવિવેકઞ્ચ નિબ્બાનઞ્ચ દસ્સનસીલેન. વિભઙ્ગકોવિદાતિ ઉભતોવિભઙ્ગકુસલાતિ આલપનં. ઇધ પનેવં અઞ્ઞો પુચ્છન્તો નામ નત્થિ, ઉપાલિત્થેરો સયમેવ અત્થં પાકટં કાતું પુચ્છાવિસજ્જનઞ્ચ અકાસીતિ ઇમિના નયેન સબ્બત્થ અત્થો વેદિતબ્બો.
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
આપત્તિસમુટ્ઠાનગાથાવણ્ણના નિટ્ઠિતા.
Āpattisamuṭṭhānagāthāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૩. આપત્તિસમુટ્ઠાનગાથા • 3. Āpattisamuṭṭhānagāthā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / છઆપત્તિસમુટ્ઠાનવારાદિવણ્ણના • Chaāpattisamuṭṭhānavārādivaṇṇanā
