| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. அப்பமாத³ஸுத்தங்
6. Appamādasuttaṃ
116. ‘‘சதூஹி, பி⁴க்க²வே, டா²னேஹி அப்பமாதோ³ கரணீயோ. கதமேஹி சதூஹி? காயது³ச்சரிதங், பி⁴க்க²வே, பஜஹத², காயஸுசரிதங் பா⁴வேத²; தத்த² ச மா பமாத³த்த². வசீது³ச்சரிதங், பி⁴க்க²வே, பஜஹத², வசீஸுசரிதங் பா⁴வேத²; தத்த² ச மா பமாத³த்த². மனோது³ச்சரிதங், பி⁴க்க²வே, பஜஹத², மனோஸுசரிதங் பா⁴வேத²; தத்த² ச மா பமாத³த்த². மிச்சா²தி³ட்டி²ங், பி⁴க்க²வே, பஜஹத², ஸம்மாதி³ட்டி²ங் பா⁴வேத² ; தத்த² ச மா பமாத³த்த².
116. ‘‘Catūhi, bhikkhave, ṭhānehi appamādo karaṇīyo. Katamehi catūhi? Kāyaduccaritaṃ, bhikkhave, pajahatha, kāyasucaritaṃ bhāvetha; tattha ca mā pamādattha. Vacīduccaritaṃ, bhikkhave, pajahatha, vacīsucaritaṃ bhāvetha; tattha ca mā pamādattha. Manoduccaritaṃ, bhikkhave, pajahatha, manosucaritaṃ bhāvetha; tattha ca mā pamādattha. Micchādiṭṭhiṃ, bhikkhave, pajahatha, sammādiṭṭhiṃ bhāvetha ; tattha ca mā pamādattha.
‘‘யதோ கோ², பி⁴க்க²வே, பி⁴க்கு²னோ காயது³ச்சரிதங் பஹீனங் ஹோதி காயஸுசரிதங் பா⁴விதங், வசீது³ச்சரிதங் பஹீனங் ஹோதி வசீஸுசரிதங் பா⁴விதங், மனோது³ச்சரிதங் பஹீனங் ஹோதி மனோஸுசரிதங் பா⁴விதங், மிச்சா²தி³ட்டி² பஹீனா ஹோதி ஸம்மாதி³ட்டி² பா⁴விதா, ஸோ ந பா⁴யதி ஸம்பராயிகஸ்ஸ மரணஸ்ஸா’’தி. ச²ட்ட²ங்.
‘‘Yato kho, bhikkhave, bhikkhuno kāyaduccaritaṃ pahīnaṃ hoti kāyasucaritaṃ bhāvitaṃ, vacīduccaritaṃ pahīnaṃ hoti vacīsucaritaṃ bhāvitaṃ, manoduccaritaṃ pahīnaṃ hoti manosucaritaṃ bhāvitaṃ, micchādiṭṭhi pahīnā hoti sammādiṭṭhi bhāvitā, so na bhāyati samparāyikassa maraṇassā’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. அப்பமாத³ஸுத்தவண்ணனா • 6. Appamādasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-7. கேஸிஸுத்தாதி³வண்ணனா • 1-7. Kesisuttādivaṇṇanā
