| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. அப்பஸாத³பவேத³னீயஸுத்தங்
8. Appasādapavedanīyasuttaṃ
88. ‘‘அட்ட²ஹி, பி⁴க்க²வே, த⁴ம்மேஹி ஸமன்னாக³தஸ்ஸ பி⁴க்கு²னோ ஆகங்க²மானா உபாஸகா அப்பஸாத³ங் பவேதெ³ய்யுங். கதமேஹி அட்ட²ஹி? கி³ஹீனங் அலாபா⁴ய பரிஸக்கதி, கி³ஹீனங் அனத்தா²ய பரிஸக்கதி, கி³ஹீ அக்கோஸதி பரிபா⁴ஸதி, கி³ஹீ கி³ஹீஹி பே⁴தே³தி, பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங் பா⁴ஸதி, அகோ³சரே ச நங் பஸ்ஸந்தி. இமேஹி கோ², பி⁴க்க²வே, அட்ட²ஹி த⁴ம்மேஹி ஸமன்னாக³தஸ்ஸ பி⁴க்கு²னோ ஆகங்க²மானா உபாஸகா அப்பஸாத³ங் பவேதெ³ய்யுங்.
88. ‘‘Aṭṭhahi, bhikkhave, dhammehi samannāgatassa bhikkhuno ākaṅkhamānā upāsakā appasādaṃ pavedeyyuṃ. Katamehi aṭṭhahi? Gihīnaṃ alābhāya parisakkati, gihīnaṃ anatthāya parisakkati, gihī akkosati paribhāsati, gihī gihīhi bhedeti, buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati, agocare ca naṃ passanti. Imehi kho, bhikkhave, aṭṭhahi dhammehi samannāgatassa bhikkhuno ākaṅkhamānā upāsakā appasādaṃ pavedeyyuṃ.
‘‘அட்ட²ஹி , பி⁴க்க²வே, த⁴ம்மேஹி ஸமன்னாக³தஸ்ஸ பி⁴க்கு²னோ ஆகங்க²மானா உபாஸகா பஸாத³ங் பவேதெ³ய்யுங். கதமேஹி அட்ட²ஹி? ந கி³ஹீனங் அலாபா⁴ய பரிஸக்கதி, ந கி³ஹீனங் அனத்தா²ய பரிஸக்கதி, ந கி³ஹீ அக்கோஸதி பரிபா⁴ஸதி, ந கி³ஹீ கி³ஹீஹி பே⁴தே³தி, பு³த்³த⁴ஸ்ஸ வண்ணங் பா⁴ஸதி, த⁴ம்மஸ்ஸ வண்ணங் பா⁴ஸதி, ஸங்க⁴ஸ்ஸ வண்ணங் பா⁴ஸதி, கோ³சரே ச நங் பஸ்ஸந்தி. இமேஹி கோ², பி⁴க்க²வே , அட்ட²ஹி த⁴ம்மேஹி ஸமன்னாக³தஸ்ஸ பி⁴க்கு²னோ ஆகங்க²மானா உபாஸகா பஸாத³ங் பவேதெ³ய்யு’’ந்தி. அட்ட²மங்.
‘‘Aṭṭhahi , bhikkhave, dhammehi samannāgatassa bhikkhuno ākaṅkhamānā upāsakā pasādaṃ pavedeyyuṃ. Katamehi aṭṭhahi? Na gihīnaṃ alābhāya parisakkati, na gihīnaṃ anatthāya parisakkati, na gihī akkosati paribhāsati, na gihī gihīhi bhedeti, buddhassa vaṇṇaṃ bhāsati, dhammassa vaṇṇaṃ bhāsati, saṅghassa vaṇṇaṃ bhāsati, gocare ca naṃ passanti. Imehi kho, bhikkhave , aṭṭhahi dhammehi samannāgatassa bhikkhuno ākaṅkhamānā upāsakā pasādaṃ pavedeyyu’’nti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. அப்பஸாத³பவேத³னீயஸுத்தவண்ணனா • 8. Appasādapavedanīyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸத்³தா⁴ஸுத்தாதி³வண்ணனா • 1-10. Saddhāsuttādivaṇṇanā
