| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. அப்படிவிதி³தஸுத்தவண்ணனா
7. Appaṭividitasuttavaṇṇanā
7. பவத்தினிவத்திதது³ப⁴யஹேதுவிபா⁴க³ஸ்ஸ த⁴ம்மஸ்ஸபி சதுஸச்சந்தோக³த⁴த்தா ஆஹ ‘‘த⁴ம்மாதி சதுஸச்சத⁴ம்மா’’தி. சத்தாரிபி ஹி அரியஸச்சானி சதுஸச்சந்தோக³தா⁴னி. அப்படிவித்³தா⁴தி பரிஞ்ஞாபி⁴ஸமயாதி³வஸேன அனபி⁴ஸமிதா. தி³ட்டி²க³தவாதே³ஸூதி தி³ட்டி²க³தஸஞ்ஞிதேஸு வாதே³ஸு. தி³ட்டி²க³தேஹி தே பவத்திதா. இதோ பரேஸந்தி இதோ ஸாஸனிகேஹி பரேஸங் அஞ்ஞேஸங். த⁴ம்மதாயாதி ஸபா⁴வேன, ஸயமேவாதி அத்தோ². க³ச்ச²ந்தீதி பவத்தந்தி தி³ட்டி²வாத³ங் பக்³க³ய்ஹ திட்ட²ந்தி. பரேனாதி தி³ட்டி²க³திகேன. நீயந்தீதி தி³ட்டி²வாத³ஸங்க³ண்ஹனே உய்யோஜீயந்தி. தேனாஹ ‘‘தத்தா²’’திஆதி³. பபு³ஜ்ஜி²துந்தி பமாத³னித்³தா³ய படிபு³ஜ்ஜி²துங். படிபதா³ யதா²தே³ஸிதஸ்ஸ த⁴ம்மஸ்ஸ கதி²ததாய, படிபு³ஜ்ஜி²துங் யோனிஸோ பவத்தியமானத்தா ப⁴த்³தி³கா.
7. Pavattinivattitadubhayahetuvibhāgassa dhammassapi catusaccantogadhattā āha ‘‘dhammāti catusaccadhammā’’ti. Cattāripi hi ariyasaccāni catusaccantogadhāni. Appaṭividdhāti pariññābhisamayādivasena anabhisamitā. Diṭṭhigatavādesūti diṭṭhigatasaññitesu vādesu. Diṭṭhigatehi te pavattitā. Ito paresanti ito sāsanikehi paresaṃ aññesaṃ. Dhammatāyāti sabhāvena, sayamevāti attho. Gacchantīti pavattanti diṭṭhivādaṃ paggayha tiṭṭhanti. Parenāti diṭṭhigatikena. Nīyantīti diṭṭhivādasaṅgaṇhane uyyojīyanti. Tenāha ‘‘tatthā’’tiādi. Pabujjhitunti pamādaniddāya paṭibujjhituṃ. Paṭipadā yathādesitassa dhammassa kathitatāya, paṭibujjhituṃ yoniso pavattiyamānattā bhaddikā.
ஹேதுனாதி ஞாயேன. காரணேனாதி சதுஸச்சானங் ஸம்போ³த⁴யுத்தியா. ஹத்த²தலே ஆமலகங் விய ஸப்³ப³ங் ஞெய்யங் ஜானாதீதி ஸப்³ப³ஞ்ஞூ, தேனேவ ஸப்³ப³ஞ்ஞுதாபி⁴ஸம்போ³தே⁴ன பு³த்³தோ⁴தி ஸப்³ப³ஞ்ஞுபு³த்³தோ⁴. பச்சேகங் பரேஹி அஸாதா⁴ரணதாய விஸுங் ஸயம்பு⁴ஞாணேன ஸச்சானி பு³த்³த⁴வாதி பச்சேகபு³த்³தோ⁴. பரோபதே³ஸேன சதுஸச்சங் பு³ஜ்ஜ²தீதி சதுஸச்சபு³த்³தோ⁴. ததா² ஹி ஸோ ஸயம்பு⁴தாய அபா⁴வதோ கேவலங் சதுஸச்சபு³த்³தோ⁴தி வுச்சதி. ஸுதேன ஸுதமயஞாணேன க²ந்தா⁴தி³பே⁴த³ங் ஞெய்யங் பு³த்³த⁴வாதி ஸுதபு³த்³தோ⁴. ஸப்³ப³ஞ்ஞுபு³த்³த⁴பச்சேகபு³த்³தே⁴ ட²பெத்வா அவஸேஸா அக்³க³ஸாவகமஹாஸாவகாபி பகதிஸாவகாபி வீதராகா³ அவஸேஸா கீ²ணாஸவா. தயோபி புரிமா வட்டந்தி ஸம்பு³த்³தா⁴திஆதி³வசனதோ. ஸன்னிவஸதி ஏதேனாதி ஸன்னிவாஸோ, சரிதங். லோகஸ்ஸ ஸன்னிவாஸோ லோகஸன்னிவாஸோ, தஸ்மிங். காயது³ச்சரிதாதி³பே⁴தே³ விஸமே. ஸதிஸம்மோஸேன விஸமே வா ஸத்தனிகாயே. ஸோ ஹி விஸமயோக³தோ விஸமோ. ராக³விஸமாதி³கே விஸமே வா கிலேஸஜாதே. தங் விஸமங் பஹாய தங் விஸமங் அஜ்ஜு²பெக்கி²த்வா ஸமங் ஸதி³ஸங் யுத்தரூபங், புரிமகேஹி வா ஸம்பு³த்³தே⁴ஹி ஸமங் ஸதி³ஸங் சரந்தி வத்தந்தி.
Hetunāti ñāyena. Kāraṇenāti catusaccānaṃ sambodhayuttiyā. Hatthatale āmalakaṃ viya sabbaṃ ñeyyaṃ jānātīti sabbaññū, teneva sabbaññutābhisambodhena buddhoti sabbaññubuddho. Paccekaṃ parehi asādhāraṇatāya visuṃ sayambhuñāṇena saccāni buddhavāti paccekabuddho. Paropadesena catusaccaṃ bujjhatīti catusaccabuddho. Tathā hi so sayambhutāya abhāvato kevalaṃ catusaccabuddhoti vuccati. Sutena sutamayañāṇena khandhādibhedaṃ ñeyyaṃ buddhavāti sutabuddho. Sabbaññubuddhapaccekabuddhe ṭhapetvā avasesā aggasāvakamahāsāvakāpi pakatisāvakāpi vītarāgā avasesā khīṇāsavā. Tayopi purimā vaṭṭanti sambuddhātiādivacanato. Sannivasati etenāti sannivāso, caritaṃ. Lokassa sannivāso lokasannivāso, tasmiṃ. Kāyaduccaritādibhede visame. Satisammosena visame vā sattanikāye. So hi visamayogato visamo. Rāgavisamādike visame vā kilesajāte. Taṃ visamaṃ pahāya taṃ visamaṃ ajjhupekkhitvā samaṃ sadisaṃ yuttarūpaṃ, purimakehi vā sambuddhehi samaṃ sadisaṃ caranti vattanti.
அப்படிவிதி³தஸுத்தவண்ணனா நிட்டி²தா.
Appaṭividitasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அப்படிவிதி³தஸுத்தங் • 7. Appaṭividitasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. அப்படிவிதி³தஸுத்தவண்ணனா • 7. Appaṭividitasuttavaṇṇanā
