| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. அரஹந்தஸுத்தவண்ணனா
5. Arahantasuttavaṇṇanā
25. கதாவீதி கதவா, பரிஞ்ஞாதி³கிச்சங் கத்வா நிட்ட²பெத்வா டி²தோதி அத்தோ². தேனாஹ ‘‘சதூஹி மக்³கே³ஹி கதகிச்சோ’’தி. ஸ்வாயமத்தோ² அரஹந்திஆதி³ஸத்³த³ஸன்னிதா⁴னதோ விஞ்ஞாயதி. ஏவங் ‘‘அஹங் வதா³மீ’’திஆதி³ஆகாரேன புச்ச²தி.
25.Katāvīti katavā, pariññādikiccaṃ katvā niṭṭhapetvā ṭhitoti attho. Tenāha ‘‘catūhi maggehi katakicco’’ti. Svāyamattho arahantiādisaddasannidhānato viññāyati. Evaṃ ‘‘ahaṃ vadāmī’’tiādiākārena pucchati.
க²ந்தா⁴தீ³ஸு குஸலோதி க²ந்தா⁴யதனாதீ³ஸு ஸலக்க²ணாதீ³ஸு ச ஸமூஹாதி³வஸேன பவத்தியஞ்ச சே²கோ யதா²பூ⁴தவேதீ³. உபலத்³தி⁴னிஸ்ஸிதகத²ந்தி அத்துபலத்³தி⁴னிஸ்ஸிதகத²ங் ஹித்வா. வோஹாரபே⁴த³ங் அகரொந்தோதி ‘‘அஹங் பரமத்த²ங் ஜானாமீ’’தி லோகவோஹாரங் பி⁴ந்த³ந்தோ அவினாஸெந்தோ லோகே லோகஸமஞ்ஞமேவ நிஸ்ஸாய ‘‘அஹங், மமா’’தி வதெ³ய்ய. க²ந்தா⁴ பு⁴ஞ்ஜந்தீதிஆதி³னா வோஹாரபே⁴த³ங், தத்த² ச ஆதீ³னவங் த³ஸ்ஸேதி.
Khandhādīsu kusaloti khandhāyatanādīsu salakkhaṇādīsu ca samūhādivasena pavattiyañca cheko yathābhūtavedī. Upaladdhinissitakathanti attupaladdhinissitakathaṃ hitvā. Vohārabhedaṃ akarontoti ‘‘ahaṃ paramatthaṃ jānāmī’’ti lokavohāraṃ bhindanto avināsento loke lokasamaññameva nissāya ‘‘ahaṃ, mamā’’ti vadeyya. Khandhā bhuñjantītiādinā vohārabhedaṃ, tattha ca ādīnavaṃ dasseti.
மானோ நாம தி³ட்டி²யா ஸமது⁴ரோ. ததா² ஹி து³தியமக்³கா³தீ³ஸு ஸம்மாதி³ட்டி²யா பஹானாபி⁴ஸமயஸ்ஸ படிவிபச்சனீகே படிபத்திஸித்³தி⁴. தேனாஹ ‘‘யதி³ தி³ட்டி²யா வஸேன ந வத³தி, மானவஸேன நு கோ² வத³தீதி சிந்தெத்வா’’தி. விதூ⁴பிதாதி ஸந்தாபிதா ஞாணக்³கி³னா த³ட்³டா⁴. தே பன வித்³த⁴ங்ஸிதா நாம ஹொந்தீதி ஆஹ ‘‘வித⁴மிதா’’தி. மமங்காராத³யோ மயந்தி ஸத்தஸந்தானே ஸதி பவத்தந்தி ஏதேனாதி மயோ, மஞ்ஞனா. மயோ ஏவ மயதாதி ஆஹ ‘‘மயதந்தி மஞ்ஞன’’ந்தி.
Māno nāma diṭṭhiyā samadhuro. Tathā hi dutiyamaggādīsu sammādiṭṭhiyā pahānābhisamayassa paṭivipaccanīke paṭipattisiddhi. Tenāha ‘‘yadi diṭṭhiyā vasena na vadati, mānavasena nu kho vadatīti cintetvā’’ti. Vidhūpitāti santāpitā ñāṇagginā daḍḍhā. Te pana viddhaṃsitā nāma hontīti āha ‘‘vidhamitā’’ti. Mamaṅkārādayo mayanti sattasantāne sati pavattanti etenāti mayo, maññanā. Mayo eva mayatāti āha ‘‘mayatanti maññana’’nti.
அரஹந்தஸுத்தவண்ணனா நிட்டி²தா.
Arahantasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. அரஹந்தஸுத்தங் • 5. Arahantasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. அரஹந்தஸுத்தவண்ணனா • 5. Arahantasuttavaṇṇanā
