| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૧. અરણસુત્તવણ્ણના
11. Araṇasuttavaṇṇanā
૮૧. રણન્તિ કન્દન્તિ એતેહીતિ રણા, રાગાદયો. તેહિ અભિભૂતતાય હિ સત્તા નાનપ્પકારં કન્દન્તિ પરિદેવન્તિ. તે પન સબ્બસો નત્થિ એતેસં રણાતિ અરણા. નિક્કિલેસા ખીણાસવા. વુસિતવાસોતિ વુસિતબ્રહ્મચરિયવાસો. ભોજિસ્સિયન્તિ ભુજિસ્સભાવો. તેનાહ ‘‘અદાસભાવો’’તિ. સમણાતિ સમિતપાપસમણાતિ આહ ‘‘ખીણાસવસમણા’’તિ. પુથુજ્જનકલ્યાણકાલે લોકિયપરિઞ્ઞાય, સેક્ખા પુબ્બભાગે લોકિયપરિઞ્ઞાય, પચ્ચવેક્ખણે લોકિયલોકુત્તરાય પરિઞ્ઞાય પરિઞ્ઞેય્યં તેભૂમકં ખન્ધપઞ્ચકં પરિજાનન્તિ પરિચ્છિજ્જન્તિ. ખીણાસવા પન પરિઞ્ઞાતપરિઞ્ઞેય્યા હોન્તિ. તથા હિ તે સામી હુત્વા પરિભુઞ્જન્તિ. વન્દન્તિ નં પતિટ્ઠિતન્તિ વુત્તં, વન્દનીયભાવો ચ સીલસમ્પન્નતાયાતિ આહ ‘‘પતિટ્ઠિતન્તિ સીલે પતિટ્ઠિત’’ન્તિ. ઇધાતિ ઇમસ્મિં લોકે. ખત્તિયાતિ લક્ખણવચનન્તિ આહ ‘‘ન કેવલં ખત્તિયાવા’’તિઆદિ.
81. Raṇanti kandanti etehīti raṇā, rāgādayo. Tehi abhibhūtatāya hi sattā nānappakāraṃ kandanti paridevanti. Te pana sabbaso natthi etesaṃ raṇāti araṇā. Nikkilesā khīṇāsavā. Vusitavāsoti vusitabrahmacariyavāso. Bhojissiyanti bhujissabhāvo. Tenāha ‘‘adāsabhāvo’’ti. Samaṇāti samitapāpasamaṇāti āha ‘‘khīṇāsavasamaṇā’’ti. Puthujjanakalyāṇakāle lokiyapariññāya, sekkhā pubbabhāge lokiyapariññāya, paccavekkhaṇe lokiyalokuttarāya pariññāya pariññeyyaṃ tebhūmakaṃ khandhapañcakaṃ parijānanti paricchijjanti. Khīṇāsavā pana pariññātapariññeyyā honti. Tathā hi te sāmī hutvā paribhuñjanti. Vandanti naṃ patiṭṭhitanti vuttaṃ, vandanīyabhāvo ca sīlasampannatāyāti āha ‘‘patiṭṭhitanti sīle patiṭṭhita’’nti. Idhāti imasmiṃ loke. Khattiyāti lakkhaṇavacananti āha ‘‘na kevalaṃ khattiyāvā’’tiādi.
અરણસુત્તવણ્ણના નિટ્ઠિતા.
Araṇasuttavaṇṇanā niṭṭhitā.
છેત્વાવગ્ગવણ્ણના નિટ્ઠિતા.
Chetvāvaggavaṇṇanā niṭṭhitā.
સારત્થપ્પકાસિનિયા સંયુત્તનિકાય-અટ્ઠકથાય
Sāratthappakāsiniyā saṃyuttanikāya-aṭṭhakathāya
દેવતાસંયુત્તવણ્ણનાય લીનત્થપ્પકાસના સમત્તા.
Devatāsaṃyuttavaṇṇanāya līnatthappakāsanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૧. અરણસુત્તં • 11. Araṇasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૧. અરણસુત્તવણ્ણના • 11. Araṇasuttavaṇṇanā
