| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ஆரஞ்ஞகஸுத்தங்
8. Āraññakasuttaṃ
98. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² ஆனாபானஸ்ஸதிங் ப³ஹுலீகரொந்தோ நசிரஸ்ஸேவ அகுப்பங் படிவிஜ்ஜ²தி. கதமேஹி பஞ்சஹி? இத⁴, பி⁴க்க²வே, பி⁴க்கு² அப்பட்டோ² ஹோதி அப்பகிச்சோ ஸுப⁴ரோ ஸுஸந்தோஸோ ஜீவிதபரிக்கா²ரேஸு; அப்பாஹாரோ ஹோதி அனோத³ரிகத்தங் அனுயுத்தோ; அப்பமித்³தோ⁴ ஹோதி ஜாக³ரியங் அனுயுத்தோ; ஆரஞ்ஞகோ ஹோதி பந்தஸேனாஸனோ; யதா²விமுத்தங் சித்தங் பச்சவெக்க²தி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² ஆனாபானஸ்ஸதிங் ப³ஹுலீகரொந்தோ நசிரஸ்ஸேவ அகுப்பங் படிவிஜ்ஜ²தீ’’தி. அட்ட²மங்.
98. ‘‘Pañcahi, bhikkhave, dhammehi samannāgato bhikkhu ānāpānassatiṃ bahulīkaronto nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; āraññako hoti pantasenāsano; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bahulīkaronto nacirasseva akuppaṃ paṭivijjhatī’’ti. Aṭṭhamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மஸம்பதா³ஸுத்தாதி³வண்ணனா • 1-10. Paṭhamasampadāsuttādivaṇṇanā
